स्टक ब्रोकर नम्बर ५८ नासा सेक्यूरिटिजको तेस्रो शाखा पोखरामा

नेपाल धितोपत्र बोर्डबाट लाइसेन्स प्राप्त नासा सेक्यूरिटिज कम्पनी लिमिटेड (स्टक ब्रोकर नम्बर ५८) ले आफ्नो सेवा विस्तारको क्रममा पोखरामा आफ्नो तेस्रो शाखा सञ्चालनमा ल्याएको छ ।

कम्पनीले असार १५ गते शुक्रबारदेखि पोखरा ८ न्यूरोडस्थित न्यूरोड कम्प्लेक्सको तेस्रो तल्लामा शाखा कार्यालय सञ्चालनमा ल्याएको हो ।

एक समारोहका बीच उक्त शाखा कार्यालयको समुद्घाटन नासा सेक्यूरिटिजका प्रबन्ध सञ्चालक मदन पौड्यालले गरेका थिए ।

सो समारोहमा पोखरा शाखाका शाखा प्रबन्धक सागर सेढाईंले अन्य स्थानहरुमा जस्तै पोखरामा पनि राम्रो सेवा दिने बताए । उनले सो शाखा कार्यालयमार्फत धितोपत्र खरिदबिक्री, डिपी सेवा तथा मार्जिन ट्रेडिङ्गको सेवा प्रदान गर्ने जानकारी पनि दिए ।

यस अघि नासाले काठमाडौँको नक्सालस्थित प्रमुख कार्यालय तथा विरगञ्ज र जनकपुर शाखा कार्यालयबाट आफ्नो सेवा प्रदान गर्दै आइरहेको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।