विदेशी सञ्चितिमा आएको गिरावटका कारण बंङ्लादेशको रेटिङ नेगेटिभ

बंङ्लादेशको विदेशी सञ्चितिमा आएको गिरावटका कारण ग्लोबल रेटिङ एजेन्सी एस एन्ड पी ग्लोबलले बंङ्लादेशको रेटिङ घटाएको छ।

वर्तमान अवस्थामा बंङ्लादेशको विदेशी सञ्चिति २९ अर्ब ८५ करोड डलर रहेको छ । बंङ्लादेशको केन्द्रीय बैंक बंङ्लादेश बैंकको तथ्यांक अन्ुसार गत वर्ष जुलाई महिनामा बंङ्लादेशको विदेशी सञ्चिति ३९ अर्ब ५९ करोड ९९ लाख अमेरिकी डलर थियो । एक वर्षको अवधिमा बंङ्लादेशको विदेशी सञ्चिति ९ अर्ब ७४ करोड डलरले घटेको छ । बंङ्लदेशलाई पेट्रोलियम पदार्थ आयात गरेको रकम तिर्न समेत मुस्किल परिरहेको छ ।

विदेशी सञ्चितिमा आएको गिरावटका कारण बंङ्लादेशको क्रय शक्ति मात्रै नभई बाह्य ऋण भुक्तानीमा समेत समस्या परेको छ । बंङ्लादेशले समयमा नै उचित कदम चालेन भने देशले बाह्य ऋण तिर्न नसक्ने अवस्था सिर्जना हुने आकलन एस एन्ड पी ग्लोबलले गरेको छ । जसकारण एजेन्सीले दीर्घकालीन वैदेशिक ऋणका लागि डबल बी माइन्स र अल्पकालीन वैदेशिक कर्जाका लागि बी रेटिङ गरेको हो ।

बढ्दो चालु खाता घाटा, खस्किदै गरेको विदेशी सञ्चितिले बंङ्लादेशको रेटिङ गिरावटमा महत्वपूर्ण भूमिका खेलेको एस एन्ड पी ग्लोबलले जनाएको छ ।

रुस–युक्रेन युद्धका कारण खाद्यान्न तथा पेट्रोलियम पदार्थमा भएको मूल्यवृद्धिका कारण बाङ्लादेशको विदेशी सञ्चितिमा निरन्तर गिरावट आएको छ । बंङ्लादेशले पेट्रोलियम पदार्थको आयात घटाइ नवीकरणीय उर्जाको प्रयोगमा विशेष जोड दिनुपर्ने एस एन्ड पीले सुझाएको छ ।

रुस र युक्रेन युद्धबीच खाद्यान्न तथा पेट्रोलियम पदार्थको मूल्यमा भएको वृद्धिका कारण बंङ्लादेशको क्रय क्षमता घट्दै गएपछि बाङ्लादेशले अन्तराष्ट्रिय मुद्रा कोष (आइएमएफ)सँग ४ अर्ब ७० करोड डलर बराबरको ऋणका लागि अपिल गरेको थियो । १७ करोड मानिसहरु बसोबास गर्ने बंङ्लादेशको विदेशी सञ्चिति दिनानुदिन घट्दै गएता पनि आइएमएफले स्वीकृत गरेको उक्त ऋण बंङ्लादेशले पाउन सकेको छैन ।

पछिल्लो समयमा खाद्यान्न तथा पेट्रोलियम पदार्थको मूल्य बढ्दै जाँदा अधिकांश दक्षिण एशियाली राष्ट्रहरुको विदेशी सञ्चितिमा गिरावट आएको छ । मुख्यतयाः श्रीलंका, पाकिस्तान, बंङ्लादेश र नेपालमा उक्त समस्या देखिएको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।