सुनको भाउ एकैदिन ६ सयले बढ्यो, आज भाउ कति ?

नेपाली बजारमा मंगलबार सुनको भाउ ६ सय रुपैयाँले बढेको छ । हिजो १ लाख ११ हजार १ सय रुपैयाँमा कारोबार भएको छापावाला सुनको भाउ आज १ लाख ११ हजार ७ सय रुपैयाँमा कारोबार भइरहेको छ ।

नेपाल सुनचाँदी व्यवसायी महासंघका अनुसार आज तेजाबी सुनको भाउ प्रतितोला एक लाख ११ हजार १५० रुपैयाँमा कारोबार भइरहेको छ । हिजो तेजावी सुनको भाउ एक लाख १० हजार ५५० रुपैयाँमा कारोबार भएको थियो ।

यस्तै आज चाँदीको मूल्य भने ५ रुपैयाँले बढेको छ । आज चाँदी प्रतितोला १ हजार ४६५ रुपैयाँमा कारोबार भइरहेको छ । हिजो चाँदी प्रतितोला १ हजार ४६० रुपैयाँमा किनबेच भएको थियो ।

महासंघले अन्तर्राष्ट्रिय बजारको सुनचाँदी कारोबार मूल्यका आधारमा स्थानीय बजारमा सुन–चाँदीको मूल्य तोक्ने गरेको छ । अन्तर्राष्ट्रिय बजारमा आज सुन प्रतिऔँस १ हजार ९२४ दशमलव १२ डलरमा कारोबार भइरहेको छ भने चाँदी प्रतिऔँस २४ दशमलव ३३ डलरमा कारोबार भइरहेको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।