काठमाण्डौंका यी सडकमा आज र भोलि सवारीसाधन प्रवेश निषेध

काठमाण्डौंका विभिन्न सडकमा आज र भोलि सवारी प्रवेशमा रोक लगाइएको छ । काठमाण्डौं महानगरपालिकाले सूचना जारी गर्दै गाइजात्रा हुने स्थान असन, केलटोल, ईन्द्रचोक मखन, हनुमाढोका दरबार परिसर, मरू टोल –चिकमंगल, जैशिदेवल, ज्याबहाल लगन चोक – गोफल– ब्रम्हटोल – बन्डे – ह्युमत जैशिदेवल – कोहिटि भिमसेनस्थान मरू टोल प्याफल ढोकाटोल, मुकुमबही, यट्खा, नरदेवी लगायतका भित्री सडकहरूमा सवारीसाधन निषेध गरिकएको जानकारी दिएको हो ।

त्यस्तै टककगल – न्ह्यखा – बाङ्गेमुढा न्हैकन्तला असन कमलाछि भोताहिटि हुँदै असन सडकमा पनि सवारी साधन प्रवेश निषेध गरिएको छ । काठमाण्डौंको ऐतिहासिक तथा सांस्कृतिक महत्वको पर्व गुपुन्हि (क्वाति पुन्हि ) र सापारु (गाईजात्रा)का लागि प्रयोग हुने सडकमा दुई दिन सवारी आवागमन निषेध गरिएको महानगरद्वारा जारी सूचनामा भनिएको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।