सर्वाधिक लाभाश घोषणा गरेको युनिलिभर नेपालले डाक्यो साधारण सभा

नेपालको सेयर बजारमा सूचीकृत कम्पनीहरुमध्ये सबैभन्दा धेरै लाभांश वितरणको प्रस्ताव गरेको युनिलिभर नेपाल लिमिटेडले मङ्सिर २६ गते मंगलबार ३० औं वार्षिक साधारण सभा आह्वान गरेको छ ।

गत आर्थिक वर्षबाट प्रतिसेयर १ हजार ५८० रुपैयाँ नगद लाभांश वितरणको प्रस्ताव गरेको यस कम्पनीले काठमाडौंको दरबारमार्गस्थित होटल याक एण्ड यतीमा मङ्सिर २६ गते दिउँसो ४ः३० बजे सभा डाकेको हो ।

सभाले सञ्चालक समितिले प्रस्ताव गरे बमोजिम प्रतिकित्ता १ हजार ५८० रुपैयाँ दरले नगद लाभांश वितरण गर्ने प्रस्ताव पारित गर्नेछ । त्यस्तै सभाले आर्थिक वर्ष २०७९/८० को वार्षिक प्रतिवेदन छलफल गरी पारित गर्नुका साथै चालू आवको लागि लेखापरीक्षकको नियुक्ति र निजको पारिश्रमिक निर्धारण गर्ने प्रस्ताव पनि पारित गर्नेछ ।

साधारण सभा प्रयोजनको लागि कम्पनीले मङ्सिर १२ गते मंगलबारदेखि २६ गतेसम्म बुकक्लोज मिति तोकेको छ । बुकक्लोजको आधारमा मङ्सिर ११ गते सोमबारसम्म नेप्सेमा सेयर कारोबार भई कायम रहने सेयरधनीले मात्र साधारण सभामा भाग लिन र लाभांश पाउनेछन् ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।