‘नेटा भि’ को मेगा एक्सचेन्ज क्याम्पमा २० बर्ष पुराना सवारी साधन नयाँसग एक्सचेन्ज गर्न सकिने

सिजि मोटर्स प्रा. लि. ले विद्युतिय सवारी साधन नेटा भि को बजार प्रवद्र्धनका लागि मेगा एक्सचेन्ज क्याम्पको आयोजना गरेकोे छ ।

हाललाई काठमाण्डौ उपत्यका लक्षित गरि आयोजना गरिएको यस एक्सचेन्ज क्याम्पमा पुराना तथा २० बर्ष पुगिसकेका सवारी साधन समेत नयाँ नेटा भि सँग एक्सचेन्ज गर्न सकिने कम्पनीले जनाएको छ । पुराना सवारी साधनको न्यूनतम मूल्यांकन ४ लाखको रहने कुरा समेत कम्पनीले जनाएको छ ।

स्वीच टु द प्योर इभी नारा दिइएको यस एक्सचेन्ज क्याम्पको मुख्य उद्देश्य नेटा भि को प्रवद्र्धन गर्नु मात्र नभइ पुराना प्रदुषण गरिरहेका सवारी साधनको ब्यवस्थापन समेत रहेको कम्पनीद्वारा जारी प्रेस बिज्ञप्तिमा उल्लेख छ ।

यो मेगा एक्सचेन्ज क्याम्प छोटो समयका लागि मात्रै रहेको कुरा कम्पनिले जनाएको छ ।

नेटा भि गाडिमा ८ वर्ष वा १ लाख ५० हजार किमीको वारन्टि रहेको छ जसले गर्दा ग्राहकहरुले ढुक्क भइ नेटा भि को प्रयोग गर्न सक्छन् । यसका साथै यसमा रहेको एचईपीटी २.० प्रविधिले ब्याट्रिलाई तात्न वा बढि चिसो हुन दिदैन।

नेटा भी हाल नयाँ ५० कि. वा. को एलएफपीब्याट्रि सहित शोरुमहरुमा उपलब्ध छ । एलएफपी ब्याट्रि हाल उपलब्ध ब्याट्रिहरु मध्ये सबैभन्दा सुरक्षित तथा लामो आयुको मानिन्छ । नयाँ ब्याट्रिले गर्दा नेटा भि अब सबैभन्दा सुरक्षित ब्याट्रि युक्त तथा उहि ३८० किमीको लामो रेन्ज सहितको नेपालमै सबैभन्दा सुलभ विद्युतिय सवारी साधन भएको कम्पनीको दाबी छ । यसका साथै यो ब्याट्रिले २०२४ को अटोबेस्ट अवार्ड समेत प्राप्त गरेको छ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।