कालिमाटीमा नेपाली भन्दा भारतीय मेवा महंगो, शुक्रबार चाइनिज नासपाति किलोको २२० रुपैयाँमा पाइने

कालिमाटी तरकारी तथा फलफूल बजारमा शुक्रबार नेपाली भन्दा भारतीय मेवा महगोंमा कारोबार भइरहेको छ । नेपालीको भन्दा भारतीय मेवाको माग धेरै भएकोले भारतीय मेवा महंगो भएको कालिमाटी बजार विकास समितिले जनाएको छ ।

शुक्रबार नेपाली मेवा ६० देखि ७० रुपैयाँसम्म कारोबार भइरहेको छ भने भारतबाट ल्याइएको मेवा ७० देखि ८० रुपैयाँसम्म कारोबार भइरहेको छ ।

यस्तै, आज जाइनिज नासपातिको अधिकतम मूल्य २२० रुपैयाँ तोकिएको छ । कालिमाटीमा नेपाली नासपाति भने उपलब्ध छैन ।

यस्तै, आज किवीको न्यूनतम मूल्य ३०० रुपैयाँ तोकिएको छ भने अधिकतम मूल्य ४०० रुपैयाँ तोकिएको छ । यता, सरिफा भने प्रतिकिलो २५० देखि ३०० रुपैयाँसम्म खरिद बिक्री भइरहेको छ ।

त्यसैगरी, आज रुख कटहर १२० देखि १४० रुपैयाँसम्म किनबेच भइरहेको छ भने भुई कटहर १५० देखि १८० रुपैयाँसम्म कारोबार भइरहेको छ । शुक्रबार एभोकाडोको मूल्य २५० देखि ३०० रुपैयाँ हुँदा स्टबेरी ३०० देखि ४०० रुपैयाँसम्म कारोबार भइरहेको छ ।

अन्य कुन तरकारी तथा फलफूलको मूल्य कति ?

? समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।