आयात घटेपछि प्रतिकेजी २० रुपैयाँ बढ्यो बन्दाको भाउ, गोलभेँडाको मूल्य १० रुपैयाँले घट्यो

कालिमाटी तरकारी तथा फलफूल बजारमा बन्दाको मूल्य प्रतिकेजी २० रुपैयाँ बढेको छ । बुधबार प्रतिकेजी ३५ रुपैयाँमा किनबेच भएको लोकल बन्दा आज बिहीबार ५५ रुपैयाँमा कारोबार भइरहेको छ ।

यसैगरी, आज तराईबाट ल्याइएको बन्दा र नरिवल बन्दाको मूल्य प्रतिकेजी ४५ रुपैयाँ तोकिएको छ । बुधबार तराई बन्दा र नरिवल बन्दाको औसत मूल्य प्रतिकेजी २५ रुपैयाँ रहेको थियो ।

कालिमाटीमा आयात घटेसँगै बन्दाको भाउ वृद्धि भएको हो । कालिमाटी बजार विकास समितीका अनुसार बुधबार २४ हजार १५९ किलो बन्दा आयात भएको छ । मंगलबार २५ हजार १७६ किलो बन्दा आयात भएको थियो । समितीले बुधबारको आयात र माग अनुसार बिहीबार मूल्य निर्धारण गर्ने गर्दछ ।

यस्तै, कालीमाटी बजारमा बिहीबार गोलभेँडाको मूल्य प्रतिकेजी १० रूपैयाँ घटेको छ। बुधबार प्रतिकेजी ६५ रुपैयाँ रहेको नेपाली ठूलो गोलभेँडाा बिहीबार ५५ रुपैयाँमा कारोबार भइरहेको छ । यसैगरी, बुधबार प्रतिकेजी ७५ रूपैयाँ कारोबार भएको भारतीय ठूलो गोलभेँडा बिहीबार ६५ रूपैयाँका किनबेच भइरहेको छ ।

बिहीबार कुन तरकारीको भाउ कति ?

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।