डल्ले च्याउको मूल्य प्रतिकेजी २५ रुपैयाँ घट्यो, आयातमा पनि गिरावट

डल्ले च्याउको मूल्य प्रतिकेजी २५ रुपैयाँ घटेको छ । बिहीबार प्रतिकेजी ३२५ रुपैयाँ रहेको डल्ले च्याउको मूल्य शुक्रबार ३०० रुपैयाँमा कारोबार भइरहेको छ ।

कालीमाटी फलफूल तथा तरकारी बजार विकास समितिका अनुसार च्याउको आयातमा पनि कमी आएको छ । बुधबार १ हजार ४४० केजी च्याउ आएको बिहीबार १ हजार २६० केजी च्याउ आयात भएको हो ।

यसैगरी आज सुकेको प्याज भारतीय को भाउ प्रतिकिलो ६५ देखि ७० रुपैयाँसम्म काराबोर भइरहँदा चारतीय रातो आलु २८ देखि ३० रुपैयाँसम्म कारोबार भइरहेरको छ ।  आज प्रतिकिलो स्थानिय काउली २५ देखि ३० रूपैयाँमा कारोबार भइरहेको छ भने ज्यापु काउली ३५ देखि ४० रुपैयाँसम्म कारोबार भइरहेको छ।

यस्तै आज गाजर प्रतिकिलो ३० देखि ४० रूपैयाँ प्रतिकिलो र बन्दा ३० देखि ३५ रूपैयाँ छ भने मटरकोशा ९० देखि १०० रूपैयाँसम्म कारोबार भइरहेको छ।

यस्तै आज रायो साग प्रतिकिलो ४० देखि ५० रूपैयाँ, तोरीको साग ३० देखि ४० रूपैयाँ, चमसुर, पालुगो, मेथी, जिरी र सौफको सागको भाउ ७० देखि ८० रूपैयाँमा छ।

शुक्रबार कुन तरकारीको भाउ कति ?

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।