एक विकास बैंकको बोनस सेयर नेप्सेमा सूचीकृत

नेपाल स्टक एक्सचेञ्ज (नेप्से) मा एक विकास बैंकको बोनस सेयर सूचीकृत भएको छ। स्टकका अनुसार लुम्बिनी विकास बैंकको बोनस सेयर आज मंगलबार सूचीकृत भएको हो ।

नेपाल स्टक एक्सचेञ्ज (नेप्से) मा लुम्बिनी विकास बैंकको चुक्ता पुँजीको ४ प्रतिशत बराबरको १३ लाख ५३ हजार १२८ दशमलव ५१ कित्ता बोनस सेयर सूचीकृत भएको हो ।

बैंकले गत आर्थिक वर्षबाट सेयरधनीलाई चुक्ता पुँजीको ४ प्रतिशत बोनस सेयर र ४.५० प्रतिशत नगद लाभांश गरी कुल ८.५० प्रतिशत लाभांश प्रदान गरेको थियो । सोहि बोनस सेयर आज नेप्सेमा सूचीकृत भएको हो ।

गत पुस २६ गते सम्पन्न भएको बैंकको १६ औं वार्षिक साधारण सभाका लागि बैंकले पुस १७ गते बुकक्लोज गरेको थियो । बुकक्लोज अनुसार बैंकको बोनस सेयर पुस १६ गतेसम्म नेप्सेमा सेयर कारोबार भई कायम रहने सेयरधनीले मात्र पाउनेछन् ।

मंगलबार नेप्सेमा सूचीकृत बैंकको उक्त बोनस सेयर सम्बन्धित सेयरधनीले आफ्नो डिम्याट खातामा जम्मा भएपछि धितोपत्रको दोस्रो बजार नेप्से मार्फत खरिद बिक्री गर्न सक्नेछन् ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।