सोमबार पनि बढेर बन्द भयो सेयर बजार, कारोबार भने १४ अर्बमुनी झर्यो

सेयर बजारको वृद्धिले सोमबार पनि निरन्तरता पाएको छ। लगातारको चार दिनमा २४५ अंकको वृद्धिपछि सोमबार करेक्शनको बाटोमा लागेको बजार सूचक नेप्से अन्तिम समयमा आएर हरियो भएर बन्द भएको हो । सोमबार दिनभर सेयर बजारमा तीव्र उतारचढाव देखियो । यस दिन तीन पटकसम्म बजारले २५०० अंक नाघे पनि साे बिन्दु कायम हुन नसक्दा २४८८ अंकमा बन्द भयाे ।

अल्पकालीन लगानीकर्ताले नाफा सुरक्षित गर्नतर्फ लाग्दा बजारमा करेक्शन आउने आशामा लगानीकर्ता ‘पर्ख र हेर’ को रणनीतिमा लाग्दा कारोबार रकममा भने संकुचन आएको छ । आइतबार १५ अर्ब २३ करोडको कारोबार भएकोमासोमबार दैनिक कारोबार रकम भने १ अर्ब ३२ करोडले घटेको छ ।

नेप्से २.१५ अंकले बढेर २४८८.०९ बिन्दुमा पुगेको छ। यस दिन ठूला कम्पनीको कारोबार सूचक सेन्सेटिभ इन्डेक्स ०.८९ अंकले घटेको छ भने फ्लोट इन्डेक्स ०.३२ अंक र सेन्सेटिभ इण्डेक्स ०.७२ अंकले घटेको छ ।

आज कारोबारमा आएका १३ उपसमुहगत परिसूचकमध्ये ७ ओटा बढेको छ भने ६ ओटा घटेको छ । पछिल्ला ४ कारोबार दिनदेखि उच्च दरमा बढीरहेको बैंकिङ्ग उपसमूहमा आज करेक्सन आएको छ । बैंकिङ्ग सर्वाधिक १.२३ प्रतिशत घटेको छ भने उत्पादन तथा प्रशोधनमुलक सर्वाधिक २.१६ प्रतिशत बढेको छ । त्यस्तै व्यापार १.८६ प्रतिशत, हाइड्रोपावर १.७४, अन्य उपसमूहको परिसूचक यस दिन १.४३ प्रतिशतले बढेको छ ।
सोमबार ३०९ कम्पनीका ३ करोड ९७ लाख ५४ हजार ७११ कित्ता सेयर १ लाख ७० हजार ५५९ पटकमा खरिद बिक्री भए । कारोबार रकम १३ अर्ब ९१ करोड ५५ लाख ३५ हजार ४४१ रुपैयाँमा समेटिएको छ ।

आज मुक्तिनाथ कृषि कम्पनीको सेयर मुल्यमा सकारात्मक सर्किट लागेको छ। यस्तै नेपाल फाइनान्सको ८.६७ प्रतिशत, एनएमबि सुलभ इन्भेष्टमेन्ट फन्ड–२ को इकाई मूल्य ७.९३ प्रतिशत, छ्याङ्दी हाइड्रोपावरको ७.९० प्रतिशत र बलेफी हाइड्रोपावरको ६.८६ प्रतिशतले मूल्य बढेको छ ।

सोमबारको बजारबाट गणपति लघुवित्तको सेयर कूल्य सबैभन्दा धेरै ९.९४ प्रतिशतले घटेको छ। यससँगै कम्पनीको प्रतिकित्ता मूल्य २०५५.१० रुपैयाँमा झरेको छ । यसैगरी सिक्लेस हाइड्रोपावरको ८.६६ प्रतिशत, ९% एनआईसी एशिया डिबेञ्चर २०८१।८२ को ३.९४ प्रतिशत, जनउत्थान सामुदायिक लघुवित्त ३.९१ प्रतिशत र १०.२५% सानिमा डिबेञ्चर २०८९ को ३.८९ प्रतिशतले घटेको छ ।

कारोबार रकमका आधारमा सोमबार हिमालयन रि इन्स्योरेन्सको सबैभन्दा धेरै ३६ करोड ९३ लाख ४८ हजार रुपैयाँ पुगेको छ । यसैगरी शिवम् सिमेन्टस्को ३४ करोड ७९ लाख, कुमारी बैंकको २८ करोड १८ लाख, सिईडिबि हाइड्रोपावर डेभलपमेन्ट कम्पनीको २५ करोड ६३ लाख रुपैयाँ र हिमालयन डिष्टिलरीको २४ करोड ९९ लाख रुपैयाँको धितोपत्र कारोबार भएको छ । कारोबार भएका सेयर संख्याका आधारमा भने सिद्धार्थ इन्भेस्टमेन्ट ग्रोथ स्किम–२ को १५ लाख ५६ हजार ९९५ कित्ता किनबेच भएको छ ।

सोमबारको कारोबारपछि कुल बजार पुँजीकरण ३९ खर्ब ४७ अर्ब ८८ करोड ३३ लाख ५० हजार रुपैयाँमा समेटिएको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।