दुई घण्टामा ५० अंक बढीले घट्यो नेप्से

शेयर बजार परिसूचक नेप्से कारोबारको दुई घण्टा अवधिमा नै ५० अंक बढीले तल झरेको छ। निरन्तर उकालो लागेको नेप्सेमा सोमबार कारोबार समयअघि नै नकारात्मक सर्किट लागेर बन्द भएकोमा मंगलबार पुन: सुधार भएको थियो।

कारोबारको दुई घण्टामा नेप्से परिसूचक १ हजार ४६० बिन्दुमा झरेको छ । यस अवधिसम्ममा १७१ कम्पनीको १ अर्ब १० करोडको कारोबार भएको छ । लघुवित्त र बीमा उपमूहमा उच्च गिरावट देखिएको छ भने बैंकिङ्ग पनि ओरालो लागेको छ ।

नेपाल लाईफको सबैभन्दा धेरै ९ करोड रुपैयाँ कारोबार भएको छ । एनएमबि बैंक, हिमालयन डिष्टलरी, एनआईसी एशिया र गुँरास लाईफको पनि उच्च कारोबार भएको छ।

छ्याङ्दी हाईड्रोपावर, जानकी फाइनान्स, मल्टिपर्पस फाइनान्स लगायत ६ वटा कम्पनीको मात्र शेयरमूल्य बढेको छ भने नेशनल माइक्रोफाइनान्स, स्वदेशी लघुवित्तको शेयरमूल्यमा नकारात्मक सर्किट लागेको छ । शेयरमूल्य घट्नेमा लघुवित्त समूहका अधिकांश कम्पनी रहेका छन्।