एक वाणिज्य बैंक सहित तीन कम्पनीको लाभांश सुरक्षित गर्ने बिहीबार अन्तिम दिन

फागुन २९ गते बिहीबार एकैदिन सेञ्चुरी कमर्सियल बैंक सहित वोमी लघुवित्त र अपि पावर कम्पनीको लाभांश सुरक्षित गर्ने अन्तिम दिन रहेको छ।

तीनवटै कम्पनीले साधारण सभा प्रयोजन र लाभांश वितरणका लागि तोकेको शेयर दाखिला खारेजी गर्ने मिति अनुसार बिहीबारसम्म कायम हुने लगानीकर्ताले मात्र लाभांश पाउनुका साथै साधारण सभामा प्रतिनिधित्व जनाउन सक्नेछन्। सेञ्चुरी बैंक वोमी लघुवित्तले फागुन ३० र अपि पावरले चैत १ गते बुकक्लोज मिति निर्धारण गरेको हो।

सेञ्चुरी बैंक (CCBL)

सेञ्चुरी ले गत आव २०७५।७६ को मुनाफाबाट बोनसको कर सहित ४.७५ प्रतिशत नगद लाभांश र २ प्रतिशत बोनस गरी कुल ६.७५ प्रतिशत लाभांश वितरण गर्ने प्रस्ताव गरेको छ ।

लाभांश अनुमोदनका लागि बैंकले चैत १४ गते आर्मी अफिसर्स क्लब, भद्रकालीमा बिहान ११ बजे साधारण सभा डाकेको छ। बैंकको दोस्रो बजारमा प्रतिकित्ता शेयरमूल्य १८५ रुपैयाँ छ।

वोमी लघुवित्त (WOMI)

वोमी लघुवित्तले गत आव २०७५/७६ को मुनाफाबाट असार मसान्तको पूँजीको २५ प्रतिशत बोनस र कर प्रयोजनका लागि १.३१ प्रतिशत नगद लाभांश प्रस्ताव गरेको छ ।सो पश्चात हकप्रद र नागरिक लघुवित्त समेत मर्जर भएकाले पछिल्लो पूँजी अनुसार लघुवित्तको शेयरमा लगानी गर्ने लगानीकर्ताले १०.००५७ प्रतिशत बोनस र ०.५२६६ प्रतिशत नगद पाउनेछन्।

लाभांश अनुमोदनका लागि लघुवित्तले चैत १६ गते धुलिखेलस्थित जुगल होटलको सभाहलमा बिहान ११ बजे आठौं वार्षिक साधारण सभा आह्वान गरेको छ।

लघुवित्तको दोस्रो बजारमा प्रतिकित्ता शेयरमूल्य १ हजार ८० रुपैयाँ छ।

अपि पावर (API)

अपि पावर ले गत आव २०७५/७६ को मुनाफाबाट ५ प्रतिशत बोनस शेयर वितरण गर्ने प्रस्ताव गरेको छ ।

लाभांश अनुमोदनका लागि कम्पनीले चैत ७ गते कार्की ब्यांक्वेटमा बिहान ११ बजे १६ औं वार्षिक साधारण सभा डाकेको छ। अपि पावरको दोस्रो बजारमा प्रतिकित्ता शेयरमूल्य १३५ रुपैयाँ छ।

र यो पनि….

प्रकाशित मिति: २९ फागुन २०७६, बिहीबार ०९ : ३६ बजे

एक वाणिज्य बैंक सहित तीन कम्पनीको लाभांश सुरक्षित गर्ने बिहीबार अन्तिम दिन

२९ फागुन २०७६, बिहीबार

प्रतिक्रिया

Note Bazar Pvt. Ltd.