आँधिखोला लघुवित्तको वित्तीय विवरण सावजनिक, खराब कर्जा उच्च

आँधिखोला लघुवित्त (AKBSL) ले चालु आर्थिक वर्षको तेस्रो त्रैमाससम्म ५.२२ प्रतिशतले खुद नाफा बढाएको छ। समीक्षा अवधिमा लघुवित्तको खराब कर्जा भने उच्च बढेको छ।

चैतसम्म लघुवित्तले १ करोड १७ लाख ८० हजार रुपैयाँ नाफा आर्जन गरेको हो। गत आवको यसै अवधिमा कम्पनीले १ करोड ११ लाख ९५ हजार रुपैयाँ नाफा कमाएको थियो ।

चुक्ता पूँजी १० करोड रुपैयाँ रहेको आँधिखोलाको प्रतिशेयर आम्दानी १७.७३ रुपैयाँ र पतिशेयर नेटवर्थ १३१ रुपेयाँ ८८ पैसा रहेको छ ।

लघुवित्त खराब कर्जा अनुपात भने १.८५ प्रतिशतबाट बढेर ४.४४ प्रतिशत पुगेको छ। खराब कर्जा बढेपछि नोक्सानी व्यवस्था रकम ७६ लाखबाट १ करोड २ लाख छुट्टाएको छ।

चैत मसान्तसम्म आइपुदा लघुवित्तले २७ करोड ९० लाख निक्षप संकलन र बैंक तथा वित्तीय संस्थाबाट ३४ करोड २८ लाख रुपैयाँ सापटीबाट ७० करोड ९३ लाख रुपैयाँ कर्जा परिचालन गरेको छ।

यसबाट खुद ब्याज आम्दानी २ करोड ७० लाख २७ हजार रुपैयाँबाट बढेर ४ करोड ३० लाख ८४ हजार रुपैयाँ रहेको छ । यसैगरि सञ्चालन नाफा पनि १ करोड ४१ लाख २० हजारबाट बढेर १ करोड ८६ लाख ९८ हजार रुपैयाँ आर्जन गरेको छ।

बाग्लुङ जिल्लामा केन्द्रीय कार्यालय रहेको धौलागिरी लघुवित्त र स्याङजा जिल्ला केन्द्रीय कार्यालय रहेको आँधिखोला गत पुस २ गते एक आपसमा मर्जरमा जाने सम्झौता पश्चात आँधिखोला लघुवित्तको दोस्रो बजारमा शेयर कारोबार रोक्का छ । धौलागिरीले अहिलेसम्म आइपीओ नै जारी गरेको छैन ।