थप २५० जनामा कोरोना संक्रमण पुष्टि

बिहीबार थप २५० जनामा कोरोना भाइरस संक्रमण पुष्टि भएको छ। स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार २३० जना पुरुष र २० जना महिला महिलामा नयाँ संक्रमण फेला परेको हो।

यससँगै नेपालमा कोरोना संक्रमितको कूल संख्या ४ हजार ६१४ जना पुगेको छ। जसमध्ये ४ हजार २८५ जना पुरुष ३२९ महिला छन्।

हालसम्म ८६१ जना उपचारपछि निको भएका छन् भने ३ हजार ७५३ जना विभिन्न अस्पतालको आइसोलेसनमा उपचाररत रहेका छन्।