पछिल्लो दुई सातामा कुन कम्पनीको शेयर मूल्य कति बढ्यो ? १६५ कम्पनीको विवरण यस्तो छ

नेप्सेमा सूचीकृत कम्पनीहरुले गत आर्थिक वर्षको वित्तीय विवरण प्रकाशित गरेको पछिल्लो दुई सातामा अधिकांश कम्पनीको शेयर मूल्य बढेको छ । उच्चदरले शेयर मूल्य बढ्ने अधिकांश कम्पनीमा बीमा कम्पनी देखापरेका छन् ।यस अवधिमा दुई दर्जन बढी कम्पनीको शेयर मूल्य दोहोरो अंकले बढेको छ । गत साउन ३२ गते नेप्सेमा कारोबार भएका कम्पनीहरुको शेयर मूल्यलाई आधार बनाउँदा १४६ कम्पनीका शेयर मूल्य बढेको छ । यसबीचमा ६ कम्पनीको शेयर मूल्य स्थीर रहँदा १३ कम्पनीको भने घटेको छ ।

लगानीकर्ताले गत आर्थिक वर्षको वित्तीय विवरण प्रकासिशित भएपछि कस्ता कम्पनीहरु छनौट गरे भन्ने यो तथ्यांकबाट हेर्न सकिन्छ । गत भदौ ४ गतेदेखि देशका अधिकांश जिल्लामा लकडाउनकै अवस्था रहँदा पनि शेयर बजारमा उल्लेखीय काराबोर भइरहेको छ भने बजारमा समेत सुधार देखिएको छ ।

पछिल्लो दुई साताको अवधिमा नेप्से सूचक ६६.५८ अंकले बढेको छ । गत साउन ३२ गते १३९१.४६ अंकमा रहेको नेप्से सूचक भदौ ११ गतेसम्म आइपुग्दा १४५८.०४ अंकमा उक्लिएको छ । यसबीचमा नेप्से सूचक ४.७८ प्रतिशतले बढेको छ।

पछिल्लो १५ दिनमा सबैभन्दा धेरै नेको इन्स्योरेन्सको २३.३३ प्रतिशतले शेयर मूल्य बढेको छ । गत साउन ३२ गते प्रतिकित्ता ६३० रुपैयाँ रहेको नेकेको मूल्य भदौ ११ गतेसम्म आइपुग्दा प्रतिकित्ता १४७ रुपैयाँले बढेर ७७७ रुपैयाँ पुगेको छ । शेयरमूल्य धेरै बढ्नेमा सूर्या लाइफ इन्स्योरेन्स, साधना लघुवित्त, शिवम सिमेन्ट, आशा लघुवित्त, समृद्धि फाइनान्स, गुराँस लाइफ इन्स्योरेन्स लगायत रहेका छन् । झण्डै २ दर्जन कम्पनीको शेयर मूल्य दोहोरो अंकले बढेको छ ।

शेयर मूल्य उच्चदरले घट्नेमा अधिकांश जलविद्युत कम्पनीका रहेका छन् । सबैभन्दा धेरै दिव्यश्वरी हाइड्रोको शेयर मूल्य ५.४५ प्रतिशतले घटेको छ । त्यस्तै माउन्टेन हाइड्रो, छ्याङ्दी हाइड्रो लगातयका कम्पनी रहेका छन् ।

यो तथ्यांकमा गत साउन ३२ गते र गत भदौ ११ गतेको मूल्य आधार प्रस्तुत गरिएको छ ।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।