नेपाल फाइनान्सको शेयर लिलामीको बोलपत्र खोल्न सुरु

नेपाल फाइनान्स (NFS) ले हकप्रदमा अवितरित भई लिलामी मार्फत बिक्री गरेको शेयरको पुस २८ गते मंगलबार गोप्य शिलबन्दी बोलपत्र खुला गर्न थालिएको छ । प्रभु क्यापिटल लिमिटेड, कमलादी, काठमाण्डौंमा बिहान ११ः३० बजेदेखि बोलपत्र खुला गरिन थालिएको हो ।

फाइनान्सले शेयर पुस १७ गते देखि पुस २४ गतेसम्म २ लाख ५५ हजार ०७८ कित्ता संस्थापक शेयर र २ लाख ६० हजार १६५ कित्ता सर्वसाधारण शेयर लिलाम बढाबढमा बिक्रीमा लायँदै सर्वसाधारणबाट आवेदन मागेको थियो ।

फाइनान्सले गत मंसिर ४ गतेदेखि चुक्ता पूँजीको १२५ प्रतिशत बराबरको १६ लाख ९७ हजार ५०६ कित्ता हकप्रद शेयर बिक्री खुला गरेको थियो । जसमा बिक्री नभएको ५ लाख १५ हजार बढी कित्ता शेयर पुस १७ गतेदेखि पुस २४ गतेसम्म लिलामीमा ल्याएको थियो ।