एमालेका वरिष्ठ नेता झलनाथ खनाल डिस्चार्ज

पूर्व प्रधानमन्त्री तथा नेकपा एमालेका वरिष्ठ नेता झलनाथ खनाल स्वस्थ भई आज डिस्चार्ज हुने भएका छन् ।

कोरोना संक्रमण भई नर्भिक इन्टरनेशनल हस्पिटलमा बैशाख १८ गते शनिबारदेखि उपचाररत खनालको २ दिनअघि गरिएको स्वाब परीक्षणको रिपोर्ट नेगेटिभ आएपछि चिकित्सकहरुको सल्लाहअनुसार उनी आजै डिस्चार्ज हुने भएका हुन् ।

कोरोना संक्रमण पुष्टि भएपछि नर्भिक अस्पतालमा भर्ना भएका उनलाई अक्सिजनको सपोर्टमा उपचार सुरु गरिएको थियो । नर्भिक अस्पतालमा भर्ना भएको भोलिपल्टदेखि नै उनलाई प्लाज्मा थेरापी विधिबाट समेत उपचार गरिएको थियो ।

नर्भिकमा भर्ना भएपछि उनको स्वास्थ्य अवस्थामा क्रमिक रुपमा सुधार भइरहेको थियो ।

नेता खनालको उपचारमा नर्भिक अस्पतालका चिकित्सकहरु डा. जेपी जैसवाल र डा. बी श्रीवास्तव नेतृत्वको स्वास्थ्यकर्मीको टिम संलग्न थियो ।

?  समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।