श्रीराम सुगर मिल्सको सबै किसानहरुलाई उखूको भूक्तानी गरिसकेको दाबी

नेपाल उद्योग वाणिज्य महासंघका अध्यक्ष शेखर गोल्छाको समेत लगानी रहेको श्रीराम सुगर मिल्सले उखू किसानहरुबाट खरिद गरेको उखूको सबै रकम भूक्तानी गरेको दाबी गरेको छ ।

साउन १४ गतेको दैनिक पत्रपत्रिका लगायत अनलाईन प्रकाशित हूने विभिन्न सञ्चार माध्यमहरुबाट उद्योगले उखू किसानहरुबाट खरिद गरेको उखूको रकम भूक्तानी गर्न ३ करोड बाँकी रहेको समाचारप्रति गम्भीर ध्यानाकर्षण भएको जनाउँदै कुनैपनि भुक्तानी बाँकी नरहेको उल्लेख गरेको छ ।

मिल्सले २०७७ पुस ३ गते देखि भुक्तानी सूचारु गरी भूक्तानी गरी सकेको जनाएको छ । उद्योगले स्थानीय स्तरमा नै विभिन्न पत्रपत्रिकाहरुमा सूचना समेत प्रकाशित गरी बाँकी रहेको बक्यौता रकम बूझिलिनका लागि जानकारी गराएको र सोही बमोजिम हाम्रा उखू किसानहरुले बांकी रहेको बक्यौता रकम बूझी लिएको समेत जनाएको छ ।

कथम्कदाचित उखू किसानहरुले भूक्तानी लिन छूट भई बाँकी बक्यौता रहेको भएमा आफ्नो उचित सक्कल प्रमाण सहित यो विज्ञप्ती प्रकाशित भएको मितिले ३ महिना भित्रमा कारखानामा उपस्थित भई भूक्तानी लिन मिल्सले अनुरोध गरेको छ ।

नेपाल स्टक एक्सेचेञ्ज (नेप्से) मा समेत सूचीकृत मिल्स कमजोर आर्थिक अवस्थाका कारण हाल बन्द अवस्थामा रहेको छ ।

सम्बन्धीत समाचारहरु:-