हालसम्म ३४ लघुवित्त कम्पनीले सार्वजनिक गरे तेस्रो त्रैमासिक वित्तीय विवरण, कसको नाफा कति ?

बैशाख २३ गते शुक्रबारसम्म नेप्सेमा सूचीकृत ५४ लघुवित्त कम्पनीमध्ये ३४ कम्पनीले चालु आर्थिक वर्ष २०७८।७९ को तेस्रौ त्रैमासिक वित्तीय विवरण सार्वजनिक गरेका छन् ।

चौतिस लघुवित्त कम्पनीहरुकोले ९ महिना अवधिमा कुल ४ अर्ब १७ करोड ९८ लाख ५७ हजार रुपैयाँ खुद नाफा आर्जन गरेका छन् ।

जसमध्ये सबैभन्दा धेरै जीवन विकास लघुवित्तले ५७ करोड ७५ लाख ९८ हजार रुपैयाँ खुद नाफा आर्जन गरेको छ । यस्तै एनआईसी एशिया लघुवित्तले ४७ करोड ८४ लाख, मेरो माइक्रोफाइनान्सले ३४ करोड १५ लाख, आरएमडिसी लघुवित्तले २६ करोड ५९ लाख र ग्लोबल आईएमई लघुवित्तको नाफा २० करोड ४८ लाख रुपैयाँ रहेको छ । २९ लघुवित्तको नाफा २० करोडभन्दा कम छ ।

समीक्षा अवधिमा विन लघुवित्त वित्तीय संस्था लिमिटेडले सबैभन्दा कम ५३ लाख ९४ हजार रुपैयाँ खुद नाफा कमाएको छ । थप ७ कम्पनीको नाफा ५ करोडभन्दा कम छ । १२ लघुवित्त कम्पनीले ५ देखि १० करोड रुपैयाँसम्म खुद नाफा कमाएका छन् । दश कम्पनीहरुको नाफा दश करोडदेखि बीस करोड रुपैयाँसम्म रहेको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।