छब्बिस कम्पनीको पाँच अर्ब ६२ करोडको आईपीओ आउँदै

विभिन्न २६ कम्पनीको ५ अर्ब ६२ करोड १२ लाख ७० हजार ४०० रुपैयाँ बराबरको प्रारम्भिक सार्वजनिक निष्काशन (आईपीओ) बिक्रीमा आउने भएको छ ।

विसं २०७९ असार १८ गतेसम्म पुँजीबजारको नियामक निकाय नेपाल धितोपत्र बोर्डसँग ती २६ कम्पनीले सेयर जारी गर्न अनुमति मागेका हुन् ।

अनुमति माग्नेमध्ये अधिकांश कम्पनीले अंकित मूल्य (एक सय रुपैयाँ) मा नै आईपीओ निष्काशनको अनुमति मागेका छन् । केही कम्पनीले भने प्रिमियम मूल्यमा समेत सेयर निष्काशनको माग गरेका छन् । हाथवे इन्भेष्टमेन्ट कम्पनीले ५० रुपैयाँ अंकित दरमा सेयर बिक्रीको अनुमति मागेको छ ।

२६ कम्पनीले ५ अर्ब ६२ करोड १२ लाख ७० हजार ४०० रुपैयाँ बराबरको सेयर बिक्री गर्न अनुमति मागेका छन् । ती कम्पनीहरुले कुल ५ करोड ९ लाख ५५ हजार २०४ कित्ता आईपीओ जारी गर्न अनुमति मागेका हुन् ।

यसरी धितोपत्र बोर्डमा आईपीओ निष्कासनका लागि अनुमति माग्नेमा आधा बढी कम्पनीहरु जलविद्युत समूहका रहेका छन् । कुल २६ मध्ये १३ वटा कम्पनी हाइड्रोपावर मात्रै रहेका छन् । बाँकी १३ कम्पनी अन्य समुहका रहेका छन् ।

आइपीओ निष्कासनको लागि लघुवित्त कम्पनी ६ वटा, इन्स्यारेन्स २, होटल तथा पर्यटनका २ वटा र अन्य समुहका डिस मिडिया नेटवर्क, मुक्तिनाथ कृषि कम्पनी, हाथवे इन्भेष्टमेन्ट रहेका छन् ।

? समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।