ब्याजदर वृद्धिले निम्त्याएको अनिश्चिततालाई आत्मसात् गर्दै अघि बढ्न फेडका पूर्व गभर्नरको सुझाव

अमेरिकी केन्द्रीय बैंक, फेडरल रिजर्भ (फेड)ले औसत ब्याजदर बढाएपछि अर्थतन्त्रमा देखिएको अनिश्चिततालाई आत्मसात् गर्दै अघि बढ्न फेडका पूर्व गभर्नरहरुले सुझाएका छन् ।

फेडले कहिले सम्म र कति प्रतिशतसम्म पुग्नेगरी औसत ब्याजदर बढाउँछ भन्ने आकलन गर्न नसकिएको पूर्व गभर्नरहरुको भनाइ छ ।

यसैकारण लगानीकर्ता तथा नीति निर्माणकर्ताहरु फेडले लिने निर्णय र त्यसले सिर्जना गर्ने अनिश्चततालाई आत्मसात् गर्दै अघि बढ्नुपर्नेमा उनीहरुले जोड दिएका छन् ।

एटलान्टा फेडरल रिर्जभका पूर्व अध्यक्ष डेनिस लोकहार्टले यसअघिको समयमा यस किसिमको अनिश्चितता नदेखिएको र यस समयमा लगानीकर्ताहरुले फेडलाई विश्वास गरी अनिश्चितता स्वीकार गर्नुपर्ने र लगानीकर्ता, नीति निर्माताहरुको साथमा फेडले स्थीरता ल्याउने बताएका छन् ।

उच्च मुल्यवृद्धि र आर्थिक वृद्धि अस्थिरता तर्फ गइरहेको समयमा यो वर्ष कति प्रतिशतले बयाजदर बढ्छ भन्ने अवस्था नरहेको र यस समयमा सेयरबजारको दिशा निर्देश गर्नु, उचित नभएको र त्यसले भविष्यमा राम्रो नगर्ने फेड बोर्ड अफ गर्भनर्सका पूर्व सदस्य जेरेमी स्टेनले जनाएका छन् ।

बुधबार फेडले ०.७५ प्रतिशतले ब्याजदर बढाएपछि अमेरिकामा आर्थिक मन्दी हुने सम्भावना बढेको छ । लगानीकर्ताहरु आर्थिक मन्दीको त्रासमा रहेका छन् । सेयरबजारमा अस्थिरता कायम नै रहेको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।