फाइनान्स कम्पनीहरुको वितरणयोग्य नाफा १ अर्ब ७ करोडले घट्यो, कसले कति बाँड्न सक्छ ?

फाइनान्स कम्पनीहरुको खुद नाफा गत आर्थिक वर्ष २०७८/७९ मा ६७.४९ प्रतिशतले घटेको छ ।

खुद नाफा ३२.१६ प्रतिशत घटेको फाइनान्स कम्पनीहरुको वितरणयोग्य मुनाफा खुद नाफाभन्दा दोब्बर बढीले घटेको हो ।

गत आवमा पन्ध्र फाइनान्स कम्पनीको वितरणयोग्य नाफा ५१ करोड ९८ लाख ३ हजार रहेको छ । अघिल्लो आवमा फाइनान्स कम्पनीको वितरणयोग्य नाफा १ अर्ब ५९ करोड ८८ लाख १७ हजार रुपैयाँ रहेको थियो । एक वर्ष अवधिमा फाइनान्सको वितरणयोग्य मुनाफा १ अर्ब ७ करोड ९० लाख रुपैयाँले घटेको हो ।

फाइनान्स कम्पनीहरुको खुद नाफा पनि अघिल्लो आवमा १ अर्ब ९७ करोड १७ लाख ३३ हजार रुपैयाँबाट ३२.१६ प्रतिशत घटेर १ अर्ब ३३ करोड ७५ लाख ९५ हजारमा संकुचित भएको थियो ।

फाइनान्स कम्पनीहरुको खुद नाफा ३२ प्रतिशत घट्यो, कसले कति कमायो ?

कसको वितरणयोग्य नाफा कति ?

गत आर्थिक वर्ष २०७८।७९ मा आईसिएफसि फाइनान्सको वितरणयोग्य नाफा सबैभन्दा धेरै ११ करोड ८४ लाख ८४ हजार रुपैयाँ रहेको छ । यस्तै गुहेश्वरी मर्चेन्ट र मञ्जुश्री फाइनान्सको वितरणयोग्य नाफा ९ करोडभन्दा बढी छ ।

यस अवधिमा श्री इन्भेष्टमेन्ट एण्ड फाइनान्सको वितरणयोग्य नाफा ७ करोड ५१ लाख रुपैयाँ र गुडविल फाइनान्सको ७ करोड ९ लाख, सेन्ट्रल फाइनान्सको ५ करोड ५८ लाख, पोखरा फाइनान्स ५ करोड ५८ लाख, नेपाल फाइनान्स ५ करोड ३४ लाख रुपैयाँ रहेको छ । यस्तै जानकी फाइनान्स ४ करोड ३० लाख, रिलायन्स फाइनान्सको २ करोड ४५ लाख, गोर्खाज फाइनान्स १ करोड ८७ लाख, प्रोगेशि फाइनान्स १ करोड ५५ लाख र मल्टिपपर्स फाइनान्सको वितरणयोग्य नाफा ४० लाख ८७ हजार रुपैयाँ रहेको छ ।

समृद्धि फाइनान्स र बेष्ट फाइनान्सको वितरणयोग्य नाफा ऋणात्मक छ । गत आवमा समृद्धि फाइनान्स वितरणयोग्य नाफा ५ लाख ६५ हजार र बेष्ट फाइनान्सको खुद नाफा १९ करोड ६५ लाख ७५ हजार रुपैयाँ ऋणात्मक रहेको छ ।

गत आवमा नेपाल फाइनान्सको वितरणयोग्य नाफा समीक्षा अवधिमा १०३ प्रतिशतले बढेको भएपनि बाँकी १४ फाइनान्सको वितरणयोग्य नाफा घटेको हो । बेष्ट फाइनान्सको वितरणयोग्य नाफा सर्वाधिक ६४८ प्रतिशतले घटेको छ भने समृद्धि फाइनान्सको ११९ प्रतिशत घटेको छ ।

यसैगरी रिलायन्स फाइनान्स ८४, गार्खाज फाइनान्स ८२, मञ्जुश्री फाइनान्स ८१, मल्टिपपर्स ७३, प्रोगेशिभ फाइनान्सको वितरणयोग्य नाफा ६४ प्रतिशत घटेको छ । गुडविल फाइनान्स ४८ प्रतिशत, सेन्ट्रल फाइनान्स ४४ प्रतिशत, पोखरा फाइनान्स ४० प्रतिशत, जानकी फाइनान्स ३२, गुहेश्वरी मर्चेन्ट २० प्रतिशत, श्री इन्भेष्टमेन्ट एण्ड फाइनान्स २० प्रतिशत र आईसिएफसि फाइनान्सको वितरणयोग्य नाफा ७ प्रतिशतभन्दा बढीले घटेको हो ।

फाइनान्स कम्पनीहरुको चुक्ता पुँजी १५.४२ प्रतिशत बढ्यो

गत आवमा फाइनान्स कम्पनीको चुक्ता पुँजी औषतमा १५.४२ प्रतिशतले बढेर १३ अर्ब ६० करोड ८५ लाख २९ हजार रुपैयाँ पुगेको छ । अघिल्लो आवमा ११ अर्ब ७९ करोड १ लाख ३४ हजार रुपैयाँ थियो ।

गत आवमा मञ्जुश्री फाइनान्सको चुक्ता पुँजी सर्वाधिक १ अर्ब ३५ करोड रहँदा आईसिएफसि फाइनान्सको १ अर्ब १२ करोड, रिलायन्स फाइनान्स १ अर्ब ५ करोड र पोखरा फाइनान्सको १ अर्ब ४ करोड रुपैयाँ रहेको छ । थप १० कम्पनीको चुक्ता पुँजी ६९ करोडदेखि ९६ करोडको बीचमा रहेको छ । सबैभन्दा कम चुक्ता पुँजी मल्टिपपर्स फाइनान्सको ४५ करोड २० लाख रुपैयाँ रहेको छ ।

गत आवमा समृद्धि फाइनान्सको चुक्ता पुँजी सर्वाधिक ९१.१६ प्रतिशतले बढेको छ । नेपाल फाइनान्स ४७ प्रतिशत, मञ्जुश्री फाइनान्सको ४० प्रतिशत तथा जानकी फाइनान्स र रिलायन्स फाइनान्सको चुक्ता पुँजी १५ प्रतिशतले बढेको छ । मल्टिपपर्स फाइनान्सको १३४ प्रतिशत, आइसिएफसि फाइनान्सको पुँजी १० प्रतिशतले बढेको छ ।

यस्तै गुडविल फाइनान्सको ९.१० प्रतिशत, पोखरा फाइनान्स ८ प्रतिशत, सेन्ट्रल फाइनान्स ७.७० प्रतिशत, प्रोगेशि फाइनान्सको ६ प्रतिशतले पजी वृद्धि भएको छ । गोर्खाज र बेष्ट फाइनान्सको पुँजी स्थीर रहेको छ कुनैपनि परिवर्तन भएको छैन ।

समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।