जीवन बीमा कम्पनीले साउनमा संकलन गरे १५ अर्ब बीमाशुल्क

मुलुकमा सञ्चालनमा रहेका १९ जीवन बीमा कम्पनीले चालु आर्थिक वर्ष २०७९/८० को पहिलो महिना अर्थात साउनमा १५ अर्ब ५ करोड ७४ लाख २६ हजार रुपैयाँ कुल बीमाशुल्क संकलन गरेका छन् ।

साउनमा संकलित बीमाशुल्क रकममध्ये १२ अर्ब ८५ करोड ४० लाख ४१ हजार रुपैयाँ नवीकरण बीमाशुल्क वापत संकलन भएको हो भने २ अर्ब २० करोड ३३ लाख ८५ हजार रुपैयाँ प्रथम बीमाशुल्क (एफपीआर) संकलन भएको हो ।

साउनमा नेपाल लाइफ इन्स्योरेन्सले ४ अर्ब ७७ करोड ३६ लाख ९१ हजार रुपैयाँ (३१.७० प्रतिशत) कुल बीमाशुल्क संकलन गरेको छ । जसमा ४ अर्ब ३० करोड २३ लाख रुपैयाँ नवीकरण बीमाशुल्क र ४७ करोड १४ लाख रुपैयाँ प्रथम बीमाशुल्क संकलन गरेको छ ।

त्यस्तै लाइफ इन्स्योरेन्स कर्पोरेशन (एलआइसी नेपाल) ले १ अर्ब ८८ करोड ४९ लाख ८ हजार रुपैयाँ (१२.५२ प्रतिशत) कुल बीमाशुल्क संकलन गरेको छ । जसमा १ अर्ब ७७ करोड १७ लाख रुपैयाँ नवीकरण बीमाशुल्क र ११ करोड ३१ लाख रुपैयाँ प्रथम बीमाशुल्क संकलन गरेको छ ।

तेस्रोमा ठूलो बीमाशुल्क संकलन गरेको नेशनल लाइफ इन्स्योरेन्सले साउनमा १ अर्ब ६१ करोड ५५ लाख ७० हजार रुपैयाँ (१०.७३ प्रतिशत) बीमाशुल्क आर्जन गरेको छ । जसमा १ अर्ब ३१ करोड ६७ लाख रुपैयाँ नवीकरण बीमाशुल्क र २९ करोड ८८ लाख रुपैयाँ प्रथम बीमाशुल्क संकलन गरेको छ ।

युनियन लाइफले चौथो ठूलो बीमाशुल्क संकलन गरेको छ । नयाँ जीवन बीमा कम्पनीको रुपमा स्थापित यस कम्पनीले बीमा ब्यवसयामा उत्कृष्ट सुधार गरेपछि पुराना ६ वटा बीमा कम्पनी उक्त कम्पनीभन्दा पछाडि परेका हुन् । युनियन लाइफले साउन महिनामा कुल ८० करोड ३८ लाख ९५ हजार (५.३४ प्रतिशत) रुपैयाँ बीमाशुल्क संकलन गरेको छ । जसमध्ये ६९ करोड ६७ लाख नवीकरण र १० करोड ७१ लाख प्रथम बीमाशुल्क रहेको छ । एशियन लाइफले ७० करोड ६९ लाख ७६ हजार (४.७० प्रतिशत) रुपैयाँ बीमाशुल्क संकलन गरेको छ । जसमध्ये नवीकरण बीमाशुल्क ६० करोड ९१ लाख र प्रथम बीमाशुल्क ९ करोड ७८ लाख रुपैयाँ बीमाशुल्क संकलन गरेको छ ।

साथै सूर्या लाइफ, सिटिजन लाइफ र राष्ट्रिय बीमा संस्थानले ५० करोड बढी बीमाशुल्क संकलन गरेका छन् । सूर्या लाइफले ५४ करोड ७ लाख ९० हजार (नवीकरण बीमाशुल्क ४१ करोड ९४ लाख र प्रथम बीमाशुल्क १२ करोड १४ लाख) रुपैयाँ, सिटिजन लाइफले ५१ करोड ९७ लाख २० हजार (नवीकरण बीमाशुल्क ३९ करोड ६७ लाख र प्रथम बीमाशुल्क १२ करोड ३० लाख) रुपैयाँ, राष्ट्रिय बीमा संस्थानले ५० करोड २० लाख ९८ हजार (नवीकरण बीमाशुल्क ६० करोड ९१ लाख र प्रथम बीमाशुल्क ९ करोड ७८ लाख) रुपैयाँ कुल बीमाशुल्क संकलन गरेको छ ।

यस्तै साउनमा मेट लाइफले ४८ करोड ३२ लाख ४० हजार (नवीकरण बीमाशुल्क ३७ करोड ४९ लाख र प्रथम बीमाशुल्क १० करोड ८३ लाख) रुपैयाँ, प्राइम लाइफले ४६ करोड २३ लाख ७६ हजार (नवीकरण बीमाशुल्क ५० करोड ५९ लाख र प्रथम बीमाशुल्क ५ करोड ६४ लाख) रुपैयाँ, ज्योति लाइफले ४० करोड ३८ लाख ४६ हजार (नवीकरण बीमाशुल्क २७ करोड १३ लाख र प्रथम बीमाशुल्क १३ करोड २५ लाख) रुपैयाँ, गुराँस लाइफले ४० करोड ३७ लाख ३७ हजार (नवीकरण बीमाशुल्क ३८ करोड २६ लाख र प्रथम बीमाशुल्क २ करोड १० लाख) रुपैयाँ कुल बीमशुल्क संकलन गरेका छन् ।

बाँकी ७ जीवन बीमा कम्पनीहरुले साउन महिनामा साढे १६ करोडदेखि ४० करोड रुपैयाँसम्म कुल बीमाशुल्क संकलन गरेका छन् । सन नेपाल लाइफले ३९ करोड ४२ लाख ८ हजार (नवीकरण बीमाशुल्क ६० करोड ९१ लाख र प्रथम बीमाशुल्क ९ करोड ७८ लाख) रुपैयाँ, आइएमई लाइफले ३८ करोड २३ लाख १९ हजार (नवीकरण बीमाशुल्क ३१ करोड ५४ लाख र प्रथम बीमाशुल्क ६ करोड ६८ लाख) रुपैयाँ, रिलायन्स लाइफले ३० करोड १५ लाख २० हजार (नवीकरण बीमाशुल्क २६ करोड १३ लाख र प्रथम बीमाशुल्क ४ करोड २ लाख) रुपैयाँ, रिलायबल नेपाल लाइफले २९ करोड २१ लाख १४ हजार (नवीकरण बीमाशुल्क १८ करोड ४३ लाख र प्रथम बीमाशुल्क १० करोड ७८ लाख) रुपैयाँ र प्रभु लाइफले २३ करोड ४४ लाख ८३ हजार (नवीकरण बीमाशुल्क २० करोड ३३ लाख र प्रथम बीमाशुल्क ३ करोड ११ लाख) रुपैयाँ कुल बीमाशुल्क संकलन गरेको छ ।

यस्तै सानिमा लाइफले १८ करोड ७३ लाख ३० हजार (नवीकरण बीमाशुल्क १४ करोड ८५ लाख र प्रथम बीमाशुल्क ३ करोड ८८ लाख) रुपैयाँ र महालक्ष्मी लाइफले साउनमा सबैभन्दा कम १६ करोड ४६ लाख ५ हजार (नवीकरण बीमाशुल्क १२ करोड ४५ लाख र प्रथम बीमाशुल्क ४ करोड १ लाख) रुपैयाँ रुपैयाँ कुल बीमाशुल्क आर्जन गरेको छ ।

साउनमा जीवन बीमा कम्पनीहरुले ७ लाख १० हजार ३४ वटा बीमालेख जारी गरेर ५ खर्ब ६७ अर्ब ५६ करोड ३९ लाख रुपैयाँ बीमाङ्कको बीमा गरेका छन् । यस अवधिसम्ममा एक करोड ३० लाख ८९ हजार ४८६ वटा बीमालेख सक्रिय रहेका छन् ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।