साउनमा विकास बैंकहरुले कमाए पौने ७५ करोड नाफा, तीन बैंक नोक्सानीमा

चालु आर्थिक वर्षको पहिलो महिना अर्थात साउनमा मुलुकमा सञ्चालित १७ विकास बैंकहरुमध्ये १४ बैंकहरुले कुल ७४ करोड ७३ लाख ४० हजार रुपैयाँ नाफा कमाएका छन् । समीक्षा अवधिमा तीन बैंकहरु एक्सेल डेभलपमेन्ट, नारायणी र कर्णाली डेभलपमेन्ट बैंक भने नोक्सानीमा रहेका छन् । तीन बैंकको नोक्सानी कुल ५ करोड ६६ लाख १० हजार छ ।

अघिल्लो आवको साउनमा १४ विकास बैंकहरुले ६४ करोड ९१ लाख ६३ हजार रुपैयाँ नाफा कमाएका थिए । सो वर्षमा नारायणी डेभलपमेन्ट, सालपा विकास बैंक र कर्पोरेट डेभलपमेन्ट बैंक नोक्सानीमा रहेका थिए । तीन बैंकको नोक्सानी ३४ लाख ८५ हजार थियो ।

नेपाल राष्ट्र बैंकको तथ्याङ्क अनुसार २०७९ साउनमा गरिमा विकास बैंकले सर्वाधिक १५ करोड ७३ लाख ६० हजार रुपैयाँ नाफा कमाएको छ । अघिल्लो आवको यसै अवधिमा बैंकले ४ करोड ९५ लाख रुपैयाँ नाफा कमाएकोमा बैंकले २१७.६६ प्रतिशतले नाफा बढाएको हो ।

यसअघि नाफामा पहिलो नम्बरमा रहँदै आएको मुक्तिनाथ विकास बैंकले साउनमा दोस्रो स्थान सुरक्षित गरेको छ । सो बैंकले १३ करोड ५४ लाख ८० हजार रुपैयाँ नाफा कमाएको छ । अघिल्लो आवको साउनमा बैंकले १४ करोड १५ लाख कमाएकोमा ४.२६ प्रतिशत नाफा घटेको छ ।

यस्तै साउनमा ज्योति विकास बैंकले ९ करोड २४ लाख, शाइन रेसुङ्गाले ९ करोड ५ लाख, कामना सेवा विकास बैंक ७ करोड २१ लाख, महालक्ष्मी विकास बैंक ६ करोड ५४ लाख, सांग्रिला डेभलपमेन्ट बैंकले ५ करोड ४१ लाख र लुम्बिनी विकास बैंकले ३ करोड ३१ लाख रुपैयाँ नाफा कमाएको छ । समीक्षा अवधिमा एक्सेल डेभलपमेन्ट बैंकले ३ करोड ८५ लाख नोक्सानी ब्यहोरेको छ ।

समीक्षा अवधिमा ज्योति विकास बैंकको नाफा ४.४५ प्रतिशतले घटेको छ भने शाइन रेसुङ्गा १२.०६, कामना सेवा ९.५१ प््रतिशत बढेको छ । महालक्ष्मीको नाफा ५.८१ प्रतिशत घट्दा सांग्रिलाको ५०.४९ प्रतिशत बढेको छ भने लुम्बिनीको १७.७८ प्रतिशत घटेको छ । एक्सेलेका नोक्सानी ३२८ प्रतिशतले बढेको छ ।

राष्ट्र बैंकका अनुसार कर्णाली डेभलपमेन्ट बैंकले साउनमा १ करोड ५३ लाख, ग्रीन डेभलपमेन्ट बैंक ९० लाख, मितेरी डेभलपमेन्ट बैंकले ५९ लाख, सप्तकोशी डेभलपमेन्ट ४२ लाख, सिन्धु विकास बैंक ३० लाख र कर्पोरेट डेभलपमेन्ट बैंक २९ लाख रुपैयाँ नाफा कमाएको छ ।

समीक्षा अवधिमा कर्णालीको नाफा ३४५ प्रतिशत घटेर नोक्सानीमा पुगेको छ । ग्रीन डेभलपमेन्टले १४३ प्रतिशतले नाफा बढाउँदा मितेरीको ३७.४७ प्रतिशत घटेको छ । सप्तकोशीको ३०.९१ नाफा प्रतिशतले घट्दा सिन्धु विकासले अघिल्लो साउनको तुलनामा ३३.७३३ प्रतिशतले नाफा बढाएको छ । कर्पोरेट डेभलपमेन्ट बैंक नोक्सानीबाट २९ लाख नाफामा पुगेको छ ।

समीक्षा अवधिमा नारायणी डेभलपमेन्ट बैंकले २८ लाख नोक्सानी ब्यहोरेको छ । अघिल्लो वर्ष पनि बैंकले २० लाख नोक्सानीमा थियो । बैंकको नोक्सानी ४१.५६ प्रतिशतले बढेको हो । खोटाङमा केन्द्रीय कार्यालय रहेको एकजिल्ले विकास बैंक सालपाले साउनमासबैभन्दा कम १६ लाख रुपैयाँ नाफा कमाएको छ । अघिल्लो आवको साउनमा बैंक १५ लाख नोक्सानीमा रहेको बैंकले २०८ प्रतिशतले नाफा बढाएको हो ।

? समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।