जीवन बीमा कम्पनीहरुको बीमाशुल्क २६ अर्बमाथि, भदौमा पौने ११ अर्ब संकलन

जीवन बीमा कम्पनीहरुले चालु आर्थिक वर्षको दुई महिना (साउन–भदौ) अवधिमा कुल २६ अर्ब ३ करोड २७ लाख ४५ हजार रुपैयाँ कुल बीमाशुल्क संकलन गरेका छन् । जसमध्ये भदौ महिनामा मात्रै १० अर्ब ९७ करोड ५३ लाख १९ हजार रुपैयाँ संकलन भएको बीमा समितिले जनाएको छ ।

साउनमा र भदौ गरी दुई महिनामा अवधिमा नेपाल लाइफ इन्स्योरेन्सले सर्वाधिक ७ अर्ब ६२ करोड ५७ लाख ४५ हजार रुपैयाँ बीमाशुल्क संकलन गरेको छ । कम्पनीले भदौमा मात्रै २ अर्ब ८५ करोड रुपैयाँ कुल बीमाशुल्क संकलन गरेको हो ।  दोस्रोमा रहेको नेशनल लाइफ इन्स्योरेन्सले भदौसम्म कुल ३ अर्ब २३ करोड ५ लाख ४४ हजार रुपैयाँ बीमाशुल्क संकलन गरेको छ । कम्पनीले भदौमा १ अर्ब ६१ करोड ४९ लाख ७३ हजार रुपैयाँ कुल बीमाशुल्क संकलन गरेको हो ।

तेस्रो ठूलो बीमाशुल्क संकलन गरेको लाइफ इन्स्योरेन्स कर्पोरेसन (एलआईसी) नेपाल रहेको छ । कम्पनीले भदौसम्म ३ अर्ब १९ करोड ७५ लाख २६ हजार रुपैयाँ बीमाशुल्क संकलन गरेको छ । जसमा भदौमा संकलन भएको १ अर्ब ३१ करोड २६ लाख १७ हजार रुपैयाँ समेत रहेको छ ।

यसैगरी युनियन लाइफ इन्स्योरेन्सले भदौसम्म १ अर्ब ४० करोड ६ लाख ७० हजार रुपैयाँ (भदौमा ५९ करोड ६७ लाख ७६ हजार), एशियन लाइफले १ अर्ब २१ करोड ६५ लाख रुपैयाँ (भदौमा ५० करोड ९६ लाख २२ हजार), सिटिजन लाइफले १ अर्ब ६ करोड ४८ लाख ७३ हजार (भदौमा ५४ करोड ५१ लाख ५४ हजार) रुपैयाँ कुल बीमाशुल्क संकलन गरेको छ ।

बीमा समितिको तथ्याङ्क अनुसार सूर्या लाइफले चालु आवको दुई महिना अवधिमा ९६ करोड ५८ लाख ४१ हजार रुपैयाँ (भदौमा ४२ करोड ५० लाख ५१ हजार), मेट लाइफ इन्स्योरेन्सले ९२ करोड ९० लाख ४० हजार रुपैयाँ (भदौमा ४४ करोड ५८ लाख), राष्ट्रिय बीमा संस्थानले भदौसम्म ८३ करोड ८८ लाख ९२ हजार रुपैयाँ (भदौमा ३३ करोड ६७ लाख ९५ हजार), प्राईम लाइफले ७७ करोड ८० लाख ६० हजार रुपैयाँ (भदौमा ३१ करोड ५६ लाख ८४ हजार) र सन् नेपाल लाइफ इस्योरेन्सले भदौसम्म ७० करोड ३९ लाख ७८ हजार (भदौमा ३० करोड ९७ लाख ७० हजार) रुपैयाँ कुल बीमाशुल्क संकलन गरेको छ ।

यस्तै ज्योति लाइफ इन्स्योरेन्सले भदौ महिनासम्म ६९ करोड ३२ लाख ५० हजार रुपैयाँ (भदौमा २८ करोड ९४ लाख ४ हजार), आइएमई लाइफले ६३ करोड १९ लाख ९३ हजार रुपैयाँ (भदौमा २४ करोड ९६ लाख ७४ हजार), रिलायबल नेपाल लाइफले ५९ करोड ६ लाख ७ हजार रुपैयाँ (भदौमा २९ करोड ८४ लाख ९२ हजार), गुराँस लाइफले ५८ करोड ५१ लाख ११ हजार रुपैयाँ (भदौमा १८ करोड १३ लाख ७३ हजार) र रिलायन्स लाइफले ५२ करोड ८५ लाख २६ हजार रुपैयाँ (भदौमा २२ करोड ७० लाख ६ हजार) कुल बीमाशुल्क संकलन गरेको छ ।

चालु आवको दुई महिना अवधिमा प्रभु लाइफ, सानिमा लाइफ र महालक्ष्मी लाइफ इन्स्योरेन्सको कुल बीमाशुल्क संकलन ५० करोडभन्दा कम छ । प्रभु लाइफ इन्स्योरेन्सले साउन र भदौमा कुल ३९ करोड ८० लाख ४३ हजार रुपैयाँ (भदौमा १६ करोड ३५ लाख ६१ हजार), सानिमा लाइफले ३७ करोड ४१ लाख ९८ हजार रुपैयाँ (भदौमा १८ करोड ६८ लाख ६७ हजार), र महालक्ष्मी लाइफ इन्स्योरेन्सले २७ करोड ९२ लाख ५० हजार (भदौमा ११ करोड ४६ लाख ४४ हजार) रुपैयाँ कुल बीमाशुल्क आर्जन गरेको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।