यूनिभर्सल पावरले बोनस प्रस्ताव पारित गर्न बोलायो साधारण सभा

यूनिभर्सल पावर कम्पनी लिमिटेडले साधारण सभाआह्वान गरेको छ। कम्पनीले पुस २९, आइतबार, आफ्नो कार्यालय, त्रिपुरेश्वर, काठमाण्डौंमा साधारण सभा बोलाएको हो। सो सभा दिउँसो १२ः१५ बजे सुरु हुने छ । सभा वेबिनार (जुम) मार्फत शुरु हुने छ।

सभाले हाल कायम चुक्ता पूँजीको ८.५५ प्रतिशतका दरले बोनस शेयर र सोको कर प्रयोजनार्थ ०.४५ प्रतिशतका दरले नगद लाभांश गरी कूल ९ प्रतिशत लाभांश वितरण गर्ने प्रस्ताव पारित गर्नेछ।

त्यसैगरी, सभाले कम्पनीको प्रबन्धपत्र तथा नियमावली संशोधन गर्न सञ्चालक समितिलाई अख्तियारी दिने, लेखापरीक्षक नियुक्त गर्ने लगायतका प्रस्तावहरु पनि पारित गर्नेछ।

साधारण सभा प्रयोजनार्थ कम्पनीले पुस १८ गते बुकक्लोज गर्ने भएको छ। यस अनुसार पुस १७ गतेसम्म नेप्सेमा कारोबार भइ कायम शेयरधनीहरुले कम्पनीको साधारण सभामा सहभागिता जनाउन तथा लाभांश प्राप्त गर्न सक्नेछन्।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।