स्रोत नखुलेको रकमसहित ३ जना पक्राउ

वीरगञ्ज । स्रोत नखुलेको २८ लाख २८ हजार रुपैयाँ हुण्डीको रकमसहित प्रहरीले ३ जनालाई पक्राउ गरेको छ ।

पर्सा प्रहरीका प्रवक्ता किशोर लम्सालका अनुसार हुण्डी कारोबारमा संलग्न रहेको आशङ्कामा पकाहामैनपुर गाउँपालिका–२ का अनिल वर्णवालाई ९लाख ४७ हजार रुपैयाँसहित र वीरगञ्ज महानगर आर्दशनगरबाट र वडा नं ३ का विनितकुमार श्रीवास्तवलाई १५ लाख ८१ हजार रुपैयाँ सहित पक्राउ गरिएको हो ।

त्यसैगरी, बाराको परवानीपुर गाउँपालिका–४ का स्थायी बासिन्दा दीपककुमार सोनारलाई ३ लाख रुपैयाँ सहित पक्राउ गरिएको हो । अभियुक्तहरूलाई मुलुकी अपराध संहिता, २०७४ को दफा १२५ को (क) बमोजिम (हुण्डीसम्बन्धी कारोबार गर्न नहुने) कसुरमा जिल्ला अदालतबाट ५ दिनको म्याद लिई अनुसन्धान भइरहेको छ । रासस