फोर्थिङद्वारा “फोर्थिङ तिहार भाइब” अभियान सुरु

काठमाडौँ । लक्ष्मी ग्रुपअन्तर्गतको लक्ष्मी ई–मोबिलिटी प्रा.लि ले नेपालमा फोर्थिङ ब्रान्डका सवारीसाधनहरूको लागि विशेष तिहार अफर “फोर्थिङ तिहार भाइब” सार्वजनिक गरेको छ। यो अफर असोज २७ देखि कात्तिक ३ गतेसम्म देशभरका फोर्थिङ सोरुम हरूमा लागू हुनेछ।

यस अभियानअन्तर्गत ग्राहकहरूले शैली, प्रदर्शन र नवीनता मिसिएको प्रिमियम विद्युतीय स्पोर्ट्स युटिलिटी वाहन “फोर्थिङ फ्राइडे” को अनुभव लिन पाउनेछन्। कम्पनीका अनुसार, यो सीमित समयको अफरमा ग्राहकहरूले विभिन्न आकर्षक सुविधा र उपहारहरू प्राप्त गर्न सक्नेछन्। बुकिङ गर्ने ग्राहकहरूले आइफोन १७ प्रो प्राप्त गर्ने अवसर पाउनेछन्। साथै, आकर्षक नगद छुट, आठ वर्षको वारेन्टी, छ वर्षसम्म निःशुल्क सर्भिसिङ, सात किलोवाट क्षमताको घरमा चार्ज गर्ने उपकरण, स्पेयर टायर, एक वर्षको अटो प्लस बीमा र रोड ट्याक्स निःशुल्क सुविधा पनि समावेश गरिएको छ।

फोर्थिङ फ्राइडेले आफ्नो भविष्यमुखी डिजाइन, आधुनिक सुरक्षात्मक विशेषता र वातावरणमैत्री प्रदर्शनमार्फत नेपाली विद्युतीय सवारी बजारमा नयाँ स्तर स्थापित गरेको कम्पनीको दाबी छ। यो विद्युतीय सवारीसाधनमा ६४.४ किलोवाट घण्टा क्षमताको ब्याट्री र ९९ किलोवाट क्षमताको मोटर जडान गरिएको छ, जसले डब्लुएलटिपी मापदण्ड अनुसार ४०० किलोमिटरसम्मको यात्रा दूरी प्रदान गर्छ। यसको भित्री डिजाइन आरामदायी र स्मार्ट प्रविधिमा केन्द्रित छ। मसाज स्पोर्ट्स सिटसहितको लक्जरी भित्री सजावटले यात्रालाई अझ प्रिमियम बनाउँछ, साथै विशेष संस्करणमा विद्युतीय ढोका खोल्ने सुविधा पनि उपलब्ध छ।

अभियानबारे बोल्दै लक्ष्मी ई–मोबिलिटीका प्रतिनिधिले भने, “‘फोर्थिङ तिहार भाइब’ हाम्रो लागि केवल अफर होइन, यो हाम्रो ग्राहकहरूसँग तिहारको खुशी र उत्सव साझा गर्ने माध्यम हो। हामी सफा, स्मार्ट र अत्याधुनिक मोबिलिटीको यात्रामा अघि बढिरहेका छौं। हाम्रा ग्राहकहरूले फोर्थिङ फ्राइडे चलाउँदा प्रविधिको मात्र होइन, भावनाको पनि अनुभव गर्न सकून् भन्ने हाम्रो चाहना हो।”

ग्राहकहरूलाई थापाथली र नमसालस्थित फोर्थिङ सोरुम मा आमन्त्रित गरिएको छ, जहाँ सबैले फोर्थिङ फ्राइडेको आधुनिक डिजाइन, फराकिलो भित्री सजावट, स्मार्ट ड्राइभिङ प्रणाली र उत्कृष्ट प्रदर्शन नजिकबाट अनुभव गर्न सक्नेछन्। अभियान अवधिभर टेस्ट ड्राइभ र व्यक्तिगत परामर्श सेवा पनि उपलब्ध हुनेछ।

“फोर्थिङ तिहार भाइब” अभियानले ग्राहकहरूलाई प्रिमियम विद्युतीय मोबिलिटीको यात्रालाई अझ रोमाञ्चक र फाइदाजनक बनाउने लक्ष्य राखेको छ।