सानिमा बैंकको सीईओमा पवनकुमार आचार्य नियुक्त

काठमाडौँ । सानिमा बैंकको प्रमुख कार्यकारी अधिकृत (सीईओ)मा पवनकुमार आचार्य नियुक्त भएका छन् । सोमबार साँझ बसेको सञ्चालक समिति बैठकले आचार्यलाई सीईओमा नियुक्त गरेको हो ।

माघ १२ गतेदेखि लागु हुनेगरी ४ वर्षे कार्यकालका लागि उनलाई नियुक्त  गरिएको हो । हालका सीईओ निश्चलराज पाण्डेको कार्यकाल माघ ११ देखि सकिँदैछ ।

आचार्य हाल सानिमा बैंककै डेपुटी सीईओ हुन् ।