महेश बस्नेतलाई ३१ हजारभन्दा बढी मतान्तरले हराउँदै भक्तपुर-२ मा राजीव खत्री विजयी

भक्तपुर । प्रतिनिधिसभा सदस्यको निर्वाचनमा भक्तपुरको निर्वाचन क्षेत्र नं. २ मा राष्ट्रिय स्वतन्त्र पार्टी (रास्वपा)का उम्मेदवार राजीव खत्री विजयी भएका छन् ।

उनले ४२ हजार ३३४ मत प्राप्त गरे । यस क्षेत्रमा नेकपा (एमाले)का महेश बस्नेतले १० हजार ९९६ मत प्राप्त गरेको जिल्ला निर्वाचन कार्यालय भक्तपुरका सूचना अधिकारी भिम विसीले जानकारी दिए । बस्नेतमाथि खत्रीले ३१ हजार ३ सय ३८ मतान्तर राख्दै निर्वाचित भएका हुन् ।

नेपाली कांग्रेसका कबिर राणाले आठ हजार ४०१ मत प्राप्त गरे । यस क्षेत्रमा ९८ हजार ३५६ मतदाता रहेकामा ७२ हजार ७६१ मत खसेको थियो ।