टीसीएलको नयाँ वर्ष योजना: क्यास फिर्ता र पक्का उपहार

काठमाडौँ । नयाँ वर्षको अवसरमा टीसीएल ब्रान्डले नेपाली ग्राहकहरूका लागि विशेष उपभोक्ता योजना सार्वजनिक गरेको छ । “नयाँ वर्षको सुरुवात, टीसीएल खुशीको सौगात” भन्ने सन्देशसहित ल्याइएको यस अभियानले अत्याधुनिक प्रविधियुक्त घरायसी उपकरण र टेलिभिजन खरिद गर्दा ग्राहकलाई थप लाभ प्रदान गर्ने लक्ष्य राखेको कम्पनीले जनाएको छ ।

यस योजनाअन्तर्गत टीसीएलका विभिन्न सामग्री खरिद गर्दा ग्राहकहरूले उल्लेख्य रकमसम्म क्यास फिर्ता प्राप्त गर्न सक्नेछन् । साथै, हरेक खरिदमा निश्चित उपहारको व्यवस्था गरिएको छ, जसले ग्राहकलाई तत्काल लाभ प्रदान गर्नेछ ।

यस अफरमा समावेश सामग्रीहरूमा ठूलो आकारका उन्नत टेलिभिजन, फ्रिज, कपडा धुने मेसिन, हावा चिस्याउने यन्त्र, ध्वनि प्रणाली लगायतका आधुनिक उपकरणहरू रहेका छन्, जसले दैनिक जीवनलाई सहज र प्रविधिमैत्री बनाउने कम्पनीको दाबी छ ।

कपडा धुने मेसिन खरिदमा धुने पदार्थ उपहार, हावा चिस्याउने यन्त्रमा निःशुल्क जडान सुविधा लगायतका अन्य आकर्षक अफरहरू पनि उपलब्ध गराइएको छ । साथै, ग्राहकहरूले सजिलो किस्ताबन्दी सुविधामार्फत पनि सामग्री खरिद गर्न सक्ने व्यवस्था गरिएको छ, जसले खरिद प्रक्रियालाई अझ सरल बनाएको छ ।

टीसीएलले विश्व बजारमा आफ्नो गुणस्तर प्रमाणित गरिसकेको र अग्रणी ब्रान्डका रूपमा स्थापित भएको कम्पनीले जनाएको छ ।

नेपालभर सिजी इलेकट्रोनिक्समार्फत उपलब्ध टीसीएलका यी सबै अफरहरू सीमित अवधिका लागि मात्र लागू हुने भएकाले ग्राहकहरूलाई नजिकैको शोरूम वा आधिकारिक विक्रेतामार्फत छिटो खरिद गर्न कम्पनीले आग्रह गरेको छ ।

नयाँ वर्षलाई अझ सहज, आधुनिक र प्रविधिमैत्री बनाउन टीसीएलसँग जोडिन कम्पनीले सबैमा आग्रह गरेको छ ।