सिन्धु विकास बैंकको सीईओमा गणेशकुमार केसी नियुक्त

काठमाडौँ । सिन्धु विकास बैंकको प्रमुख कार्यकारी अधिकृत (सीईओ)मा गणेशकुमार केसी नियुक्त भएका छन् ।

बैंक सञ्चालक समितिको आइतबार बसेको बैठकले केसीलाई नियुक्त गरेको हो । उनी आज जेठ ११ गतेदेखि लागू हुने गरी सीईओमा नियुक्त भएका हुन् । उनको कार्यकाल ४ वर्षको हुनेछ ।

यसअघि केसी बैंकमा नायब सीईओका रुपमा कार्यरत थिए । उनले मालिका विकास बैंकको सीईओ र कुमारी बैंकको आन्तरिक लेखा परीक्षण विभागको प्रमुखको रूपमा काम गरिसकेका छन् ।