अनलाइनको कमाल, डेढ मिनेटमा ९ करोड बढीको शेयर कारोबार

सोमबार शेयर बजारमा डेढ मिनेटको अवधिमा ९ करोडभन्दा बढीको शेयर कारोबार भएको छ । बजार खुलेको ५३ सेकेण्डमा पहिलो पटक सर्किट लागेको बजार २० मिनेटपछि खुलेर फेरि ४२ सेकेण्डमा दोस्रो पटक सर्किट लागेको छ ।

अनलाइन प्रणालीका सम्बन्धमा हुँदै आएका विभिन्न टीकाटिप्पणीका बीच सोमबार भने छोटो समयमा धेरै शेयर कारोबार हुन सक्नुको कारक पनि अनलाइनलाई नै मान्न सकिन्छ ।

२ पटकको सर्किट अवधिमा १२२ कम्पनीका २ लाख २३ हजार ६९६ कित्ता शेयरहरु ८६४ पटक किनबेच हुँदा ९ करोड १९ लाख ४२ हजार रुपैयाँको कारोबार भयो ।

यो तीब्र गतिको बढोत्तरी तथा कारोबार कूल १ मिनेट ३५ सेकेण्ड भित्र भएको हो । यो अवधिमा बजार परिसूचक नेप्से ७४.०२ अंकले बढेर १५५३.०६ अंकमा उक्लिएको छ ।

अब १२ बजेपछि खुल्ने बजारले कुन गति लिन्छ त्यो भने हेर्न बाँकी छ ।

• शेयर बजारमा मिनेट नपुग्दै लाग्न थाल्यो सर्किट, ४० मिनेटका लागि कारोबार स्थगित
• बजार खुल्ने बित्तिकै चार प्रतिशतले बढेपछि नेप्सेमा लाग्यो सर्किट ब्रेक
• शेयर बजारमा उछाल, प्रि ओपनिङ्ग सेसनमा नै ५३ अंकले बढ्यो