९६.७ प्रतिशत घरपरिवारमा विद्युत् सेवाको पहुँच

काठमाडौँ । नेपालका करिब ९६.७ प्रतिशत घरपरिवारमा विद्युत् सेवा पुगेको छ । राष्ट्रिय तथ्याङ्क कार्यालयले हालै सार्वजनिक गरेको ‘नेपाल बहुसूचक सर्वेक्षण २०८१/८२’ को प्रतिवेदनले देशका अधिकांश घरधुरीमा विद्युत् र सञ्चारको पहुँच पुगेको जनाएको हो ।

प्रदेशगत आधारमा गण्डकी प्रदेश सबैभन्दा अगाडि छ । सो प्रदेशको ९९।५ प्रतिशत घरपरिवारमा विद्युतको सुविधा पुगेको छ । कर्णाली प्रदेशमा भने ८०।८ प्रतिशत घरपरिवार मात्र विद्युतको निरन्तर पहुँच पुगेको छ ।

विद्युतसँगै सञ्चार क्षेत्रमा पनि नेपाल धेरै अगाडि पुगेको छ । प्रतिवेदन अनुसार देशभरका ९५।५ प्रतिशत घरपरिवारमा टेलिफोनको पहुँच पुगेको छ । जसमा स्थिर टेलिफोन ९ल्यान्डलाइन० र मोबाइल फोन दुवैलाई समावेश गरिएको छ ।

सञ्चार पहुँचमा बागमती प्रदेश सबैभन्दा अगाडि देखिएको छ । सो प्रदेशका ९७।१ प्रतिशत घरपरिवारमा फोन सेवाको पहुँच पुगिसकेको छ । सुदूरपश्चिम प्रदेशमा भने ९२।६ प्रतिशत घरपरिवार मात्र यस सुविधा पुगेको छ ।