शेयर बिक्रीको चाप घट्दा पुरानै लयमा फर्कियो नेप्से

अघिल्लो दिन झण्डै ८० अंकले घटेको शेयर बजारमा सोमबार शेयर बिक्रीको चाप घटेपछि नेप्सेले पुरानै लय समातेको छ ।

बजार फर्कर्ने आशमा लगानीकर्ताले सस्तो मूल्यमा शेयर बिक्री गर्न नचाहेपछि कारोबार रकममा कमी आएपनि सूचकमा सुधार आएको हो । बिक्री चाप घट्दा अधिकांस कम्पनीको शेयर मूल्य बढेको छ भने कारोबारमा आएका सबै समुहमा हरियाली छाएको छ ।

सोमबार शेयर बजार परिसूचक मापक नेप्से ४०.४६ अंकले बढेर २५१५.०३ विन्दुमा उक्लिएको छ । पछिल्ला दुई दिनमा नेप्से झण्डै १२३ अंकले ओरालो लागेको थियो । आइतबार मात्रै नेप्से ७९.७४ अंकले घटेर २ हजार ४७४ दशमलव ३९ अंकमा झरेको थियो ।

सोमबार २०९ कम्पनीका १ करोड १८ लाख ३८ हजार ४८८ कित्ता शेयर ५ अर्ब ६९ करोड २३ लाख रुपैयाँ बराबरमा किनबेच भएका छन् । कारोबार रकम २ अर्ब ६५ करोड कम हो । आइतबार ८ अर्ब ३५ करोड ५२ लाख रुपैयाँ बराबरको शेयर किनबेच भएको थियो । लगानीकर्ताले सस्तो मूल्यमा शेयर बिक्री गर्न नचाहेपछि कारोबार रकममा कमी आएको हो।

यसदिन कारोबारमा आएका सबै समुह सकारात्मक रहे । व्यपार, होटल तथा पर्यटन तथा फाइनान्स समुहमा उच्च सुधार देखिएको छ । आजको कारोबारमा चन्द्र्गिरी हिल्स, कर्पोरेट डेभलपमेन्ट बैंक,वरुण हाइड्रो लगायतको शेयरमूल्य उच्चदरले बढेको छ भने म्युचुअल फण्डहरुको शेयरमूल्य घटेको छ । सबैभन्दा धेरै निफ्राको ४४ करोड बढीको शेयर किनबेच भयो । शिखर इन्स्योरेन्सको पनि ३० करोड बढीको कारोबार भएको छ।

Sub-Indices	Current	Points Change	% Change
Banking	1,819.07	26.82	1.5
Trading	3,032.19	97.34	3.32
Hotels And Tourism	2,117.78	55.81	2.71
Development Bank	2,601.15	38.22	1.49
HydroPower	1,970.66	30.79	1.59
Finance	1,151.46	23.06	2.04
No Life Insurance	12,958.01	183.83	1.44
Manu. & Pro.	5,453.47	68.31	1.27
Others	2,036.02	27.62	1.38
Microfinance	4,299.76	81.49	1.93
Life Insurance	17,333.59	359.17	2.12
Mutual Fund	13.28	0.03	0.23
Investment	97.66	1.86	1.94

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ।