कोरिया जाने कामदारहरुको बीमा गर्न इच्छुक कम्पनीलाई सूचीकृत हुन आग्रह

वैदेशिक रोजगार विभाग, इपीएस, कोरिया शाखाले कोरिया जाने कामदारहरुको कोरोना बीमा गर्नु पर्ने भएकाले इच्छुक बीमा कम्पनीलाई सूचीकृत हुन आग्रह गरेको छ ।

रोजगार अनुमती प्रणाली (ईपीएस) सञ्चालन तथा व्यवस्थापन निर्देशिका २०७३ को दफा २० बमोजिम दक्षिण कोरिया जाने कामदारहरुको कोरिया पुगेको मितिबाट १४ दिनसम्मको लागि ५ हजार डलर बराबरको कोभिड-१९ बीमा गराउनुपर्ने भएकाले इच्छुक बीमा कम्पनीहरुलाई सूचीकृत हुन आग्रह गरेको हो ।

तोकिए बमोजिमको बीमा प्रिमियम वापतको रकम कुनै सेवा शुल्क नलिई र नकटाई सेवा प्रदान गर्न इच्छुक बीमा कम्पनीहरुले साउन ७ गतेभित्र वैदेशिक रोजगार विभाग, ईपीएस कोरिया शाखामा सूचीकृत हुनुपर्ने छ ।

सूचीकृतका लागि संस्था दर्ताको आधिकारीक कागजातको प्रतिलिप सहित निवेदन दिनुपर्ने विभागले जनाएको छ ।

? समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।