नेपाल इन्स्योरेन्सले कमायो ३३ करोड खुद नाफा, इपिएस २३.८६ रुपैयाँ पुग्यो

नेपाल इन्स्योरेन्सको खुद नाफा गत आर्थिक वर्ष २०७८।७९ को चौथौ त्रैमाससम्ममा ७.३४ प्रतिशतले बढेर ३२ करोड ८९ लाख रुपैयाँ पुगेको छ । अघिल्लो आर्थिक वर्षमा कम्पनीको नाफा ३० करोड ६४ लाख थियो ।

वित्तीय विवरण अनुसार कम्पनीको कुल बीमा शुल्क आर्जन ११.२० प्रतिशतले वृद्धि भएको छ । गत आवमा कम्पनीले १ अर्ब ५७ करोड ९९ लाख ७४ हजार रुपैयाँ कुल बीमाशुल्क आर्जन गरेको हो । त्यस्तै खुद बीमाशुल्क आर्जन १.४२ प्रतिशतले बढेर ६९ करोड ८१ लाख १७ हजार रुपैयाँ पुगेको छ ।

गत आवमा कम्पनीले पुर्नबीमा कमिसन आयबाट २२ करोड ९ लाख ९६ हजार तथा लगानी, कर्जा तथा अन्य शीर्षकमा ८ करोड ८० लाख २३ हजार रुपैयाँ आम्दानी गरेको छ ।

चुक्ता पुँजी १ अर्ब ३७ करोड ८९ लाख ९६ हजार रुपैयाँ रहेको कम्पनीको जगेडामा ३९ करोड ४८ लाख रुपैयाँ सञ्चित छ । यस्तै बीमा कोष २७.८६ प्रतिशत वृद्धि हुँदै ७३ करोड ३ लाख ४९ हजार रुपैयाँ पुगेको छ ।

गत आवमा कम्पनीको प्रतिसेयर आम्दानी २३.८६ रुपैयाँ कायम हुँदा प्रतिसेयर नेटवर्थ १८१.३० रुपैयाँ, मूल्य आम्दानी अनुपात (पिई रेसियो) १६.५८ गुणा र प्रतिसेयर कुल सम्पत्तिको मूलय ३४१.११ रुपैयाँ रहेको छ ।

समीक्षा अवधिमा कम्पनीको खुद दाबी भुक्तानी घटेको छ । अघिल्लो आवमा २७ करोड ९९ लाख खुद दाबी भुक्तानी गरेको कम्पनीको खुद दाबी भुक्तानी गत आवमा ९.५४ प्रतिशतले घटेर २५ करोड ३२ लाख कायम भएको छ ।

असार मसान्तसम्म कम्पनीले ५ हजार २०० दाबी वापत ४८ करोड ४३ लाख १ हजार भुक्तानी गरेको छ । अघिल्लो आवमा ४ हजार ५९४ वटा दाबी वापत ५० करोड २० लाख ९६ हजार भुक्तानी गरेको थियो ।

यस्तै गत आवमा कम्पनीले ४ हजार २६१ वटा दाबी वापत परेको ९५ करोड ५३ लाख ७ हजार रुपैयाँ दाबी भुक्तानी गर्न बाँकी छ । अघिल्लो आवमा कम्पनीले ४ हजार ७५१ वटा संख्यामा परेको १ अर्ब १३ करोड ३७ लाख ७७ हजार रुपैयाँ दाबी भुक्तानी गर्न बाँकी रहेको थियो ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।