दश बीमा कम्पनीले घोषणा गरे लाभांश

मंसिर १० गते शनिबारसम्ममा १० बीमा कम्पनीहरुले सेयरधनीलाई वितरण गर्ने लाभांश घोषणा गरेका छन् । पाँच जीवन बीमा र पाँच निर्जीवन बीमा कम्पनीले लाभांश प्रस्ताव गरेका हुन् ।

जीवन बीमा कम्पनीहरुले अघिल्लो आव २०७७/७८ र निर्जीवन बीमा कम्पनीहरुले आव २०७८/७९ बाट सेयरधनीलाई लाभांश प्रस्ताव गरेका हुन् ।

जीवन बीमातर्फ नेपाल लाइफ, नेशनल लाइफ, एशियन लाइफ, प्राइम लाइफ र गुराँस लाइफले लाभांश प्रस्ताव गरेको हो । निर्जीवन बीमा कम्पनीहरुमा प्रिमियर इन्स्योरेन्स, सिद्धार्थ इन्स्योरेन्स, नेपाल इन्स्योरेन्स, आईएमई जनरल र युनाइटेड इन्स्योरेन्सले लाभांश प्रस्ताव गरेको हो ।

जीवन बीमातर्फ गुराँस लाइफ, एशियन लाइफ र नेपाल लाइफले प्रस्तावित लाभांश साधारण सभाबाट अनुमोदन गराइसकेका छन् । नेशनल लाइफले मंसिर १८ गते एजिएम बोलाएको छ भने प्राइम लाइफले हालसम्म आह्वान गरेको छैन ।

उता निर्जीजन बीमा कम्पनीहरुमा कुनैपनि कम्पनीले लाभांश र साधारण सभाको बुकक्लोज तथा साधारण सभा मिति सार्वजनिक गरेका छैनन् ।
जीवन बीमातर्फ नेपाल लाइफ र नेशनल लाइफले समान १५.७९ प्रतिशत लाभांश वितरण गरेका छन् भने निर्जीवन बीमातर्फ प्रिमियर इन्स्योरेन्सले १५ प्रतिशत (५ प्रतिशत बोनस र १० प्रतिशत नगद) लाभांश प्रस्ताव गरेको छ ।

एजिएम बोलाउन प्रस्तावित लाभांश नियामक निकाय नेपाल बीमा प्राधिकरणबाट लाभांश तथा वित्तीय विवरण स्वीकृत हुनुपर्छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।