विद्युत बिक्री आय बढेसँगै राधी विद्युतको नाफामा सुधार

राधी विद्युत कम्पनी (RADHI) को नाफा चालु आर्थिक वर्षको दोस्रो त्रैमासमा गत आवको यसै अवधिको तुलनामा ७६ लाख ५० हजार रुपैयाँले बढेको छ।

गत आवको पुससम्ममा ३ करोड ५८ लाख रुपैयाँ खुद नाफा आर्जन गरेको कम्पनीको नाफा ४ करोड ३४ लाख रुपैयाँ पुगेको हो। विद्युत बिक्रीबाट हुने आम्दानी बढ्दा कम्पनीको खुद नाफा सुधारिएको हो ।

कम्पनीले विद्युत बिक्रीबाट ८ करोड ७१ लाख रुपैयाँ आम्दानी गरेको छ। चालु आर्थिक वर्षको ६ महिनामा कम्पनीले कमाएको आम्दानी गत आवको यसै अवधिको तुलनामा ७.५१ प्रतिशत धेरै हो। सो अवधिमा कम्पनीले विद्युत बिक्रीबाट ८ करोड १० लाख रुपैयाँ आर्जन गरेको थियो।

चुक्ता पूँजी ४७ करोड ३५ लाख ५६ हजार ५०० रुपैयाँ रहेको कम्पनीको प्रतिशेयर आम्दानी १८ रुपैयाँ ३७ पैसा रहेको छ । जगेडा कोषमा १५ करोड ३२ लाख ५७ हजार रुपैयाँ रहेको कम्पनीको प्रतिशेयर नेटवर्थ १३२ रुपैयाँ ३६ पैसा र मूल्य आम्दानी अनुपात ८.४९ गुणा छ ।