बैंक अफ काठमाण्डूले संचालनमा ल्यायो भिसा नगद फिर्ता योजना

बैंक अफ काठमाण्डू (BOKL) ले आफ्नो कार्ड बाहक ग्राहकहरुको आवश्यकता तथा उच्चतम् लाभ लाई मध्यनजर गर्दै बिओके भिसा नगद फिर्ता योजना सार्वजनिक गरेको छ ।

बैंकका कार्ड बाहक ग्राहकले नगद फिर्ता योजनाको सदुपयोगको लागि एक महिना भित्र पस तथा ई कमर्श कारोबार गर्दा ५ सय रुपैयाँ नगद फिर्ता पाउने छन् ।

जस अन्तर्गत एक महिना भित्र कम्तीमा २ वटा पस कारोबार गर्दा २५० नगद फिर्ता पाउने तथा कम्तीमा २ वटा ई कमर्श कारोबार गर्दा २५० नगद फिर्ता पाउने बैंकले जानकारी गराएको छ ।

उक्त नगद फिर्ता योजना अंग्रेजी क्यालेण्डर अनुशार लागू हुनेछ । यस योजनाको उच्चतम फाइदा सदुपयोगको लागि प्रत्येक कारोबार ५ सय रुपैयाँ वा सो भन्दा बढि हुनुपर्ने बैंकको भनाई छ। । उक्त नगद फिर्ता योजना सिमित अवधिको लागि मात्र भएकोले छिटै लाभ लिन बैंकले आफ्ना ग्राहकलाई आग्रह गरेको छ।

हालसम्म बैंक अफ काठमाण्डू लिमिटेडले ८७ शाखा कार्यालयहरु, ७८ एटिएम र १० एक्स्टेन्सन काउन्टरबाट आफ्ना ग्राहक महानुभावहरुलाई उत्कृष्ट बैंकिङ्ग सुविधा प्रदान गर्दै आईरहेको छ ।