साढे १५ लाख कोरोना संक्रमितमध्ये ९१ हजार बढीको ज्यान गयो, ४८ हजारको अवस्था संवेदनशिल

विश्वका विभिन्न देशमा फैलिएको कोरोना भाइरसबाट संक्रमित भएकामध्ये बिहीबार राति १० बजेसम्म ९१ हजार ७०९ को ज्यान भएको छ भने कूल १५ लाख ५० हजार बढी यस रोगबाट शिकार भएका छन्।

अझैपनि संक्रमित भएका ११ लाख १३ हजार ८२६ मानिस मध्ये ४८ हजार ४५० को अवस्था स्रवेदनशिल रहेको छ भने १० लाख ६५ हजार ३७६ को अवस्था समान्य रहेको छ। यस अवधिमा ३ लाख ४४ हजार ७९४ उपचारपछि निको भएर घर फर्किएका छन् ।

दुई सय एघार देश र दुई वटा अन्तर्राष्ट्रिय पानी जहाजमा फैलिएको कोरोनाबाट आजै मात्र ३ हजार २५४ जनाको ज्यान भएको हो भने ३२ हजार ३६९ नयाँ व्यक्तिमा यो सक्रमण फैलिएको छ। अमेरिका स्पेन, इटाली, इरान बेल्जियम, रसिया, र नेदल्याण्डमा सबैभन्दा धेरै नयाँ संक्रमित देखा परेका छन्। यी देशमा अधिकतम ५ हजार ५०० देखि १ हजारसम्म बढी संक्रमित देखा परेका हुन्।

बिहीबार राति १० बजेसम्म शक्तिशाली राष्ट्र अमेरिकामा कूल संक्रमितको संख्या ४ लाख४० नाघेको छ। स्पेनमा १ लाख ५२ हजार, इटाली १ लाख ४३ हजार, जर्मनी १ लाख १४ हजार, फ्रान्समा १ लाख १३ हजार, चीन ८१ हजार , इरान ६६ हजार, बेलायत ६० हजार, टर्की ३८ हजार, बेल्जियम २४ हजार, स्वीजरल्याण्ड २३ हजार, नेदरल्याण्ड २१ हजार, क्यानडा १९ हजार, ब्राजिल १६ हजार, पोर्चुगल १४ हजार, अष्ट्रिया १३ हजार, र दक्षिण कोरीया र रसियामा १० हजार बढी व्यक्तिमा कोभिड १९ को संक्रमण फैलिएको वल्डमिटरले जनाएको छ।

इटालीमा सबैभन्दा धेरै कूल १८ हजार २७९ बढीको ज्यान गएको छ भने अमेरिकामा १५ हजार ८१२ जनाको ज्यान गएको छ । यस्तै स्पेनमा १५ हजार २३८, फ्रान्समा १० हजार ८६९, बेलायतमा ७ हजार ९७, इरानमा ४ हजार ११०, चीनमा ३ हजार ३३५३, बेल्जियममा २ हजार ५२३, नेदरल्याण्डमा २ हजार ३९६ जना, जर्मनी २ हजार ३४९ धेरैको ज्यान गएको छ ।

बिहीबार मात्रै विभिन्न देशमा गरि समाचार तयार पार्दासम्म ३ हजार २५४ जनाको ज्यान गएको छ जसमध्ये अमेरिकामा १ हजार २४ जनाले मृत्युवरण गरेका छन्। इटाली ६१०, स्पेन ४४६, बेल्जियम २८३, नेदरल्याण्ड १४८ इरान ११७, र स्वीडेनमा १०६ जनाको मृत्यु भएको छ।
छिमेकी राष्ट भारतमा ६ हजार ५८८ जनामा कोभिड १९ को पुष्टि भएकोमा बिहीबार २१ सहित १९९ जनाको मृत्यु भएको छ। ६७२ जना नयाँ संक्रमित फेला परेकोमा ५९८ जनामा यो रोग निको भएको छ। अझै ५ हजार ७९१ मा यो संक्रमण छ।

नेपालमा कूल २ हजार ८९५ वटा परीक्षण सम्पन्न हुँदा ९ जनामा कोभिड १९ को संक्रमण पुष्टि भएकोमा १ जनालाई निको भएको छ भने ८ जनामा अझै बाँकी रहेको छ। नेपालमा ७ हजार ५७९ जनालाई क्वारेन्टाइनमा राखिएको छ भने १३४ जना आइसोलेसनमा रहेका छन्।