आगामी आर्थिक वर्षको बजेटको आकार १४ खर्ब ७४ अर्ब ६४ करोड, बजेट घट्यो

सरकारले आगामी आर्थिक बर्षका लागि १४ खर्ब ७४ अर्ब रुपैयाँको बजेट ल्याएको छ। यो चालु आर्थिक वर्षको भन्दा पनि ३.८ प्रतिशत (५८ अर्ब रुपैयाँ) कम हो । चालु आर्थिक वर्षको लागि १५ खर्ब ३२ अर्ब रुपैयाँको बजेटको आकार थियो ।

आगामी आर्थिक बर्षको कुल बजेटमध्ये चालुतर्फ ९ खर्ब ४८ अर्ब ९४ करोड, पूँजीगत ३ खर्ब ५२ करोड, वित्तीय व्यवस्था १ खर्ब ७२ अर्ब बिनियोजन भएको छ ।

जसमा राजस्व वापत ८ खर्ब ८९ अर्ब ६२ करोड रुपैयाँ साथै बैदेशिक सहायताबाट ६० अर्ब ५२ करोड रुपैयाँ जुटाउने छ। साथै बैदेशिक ऋणबाट २ खर्ब ९९ अर्ब ५० करोड उठाउने छ भने २ खर्ब २५ अर्ब आन्तरिक ऋण उठाइने भएको छ।