लयमा फर्कदै शेयर बजार, दुई दिनमा ८३ अंकको ’बाउन्स ब्याक’

हालसम्मकै उच्चतम विन्दु २६४० अंकबाट अढाई सय अंक तल झरेको शेयर बजार पछिल्ला दुई दिनमा ८३ अंकले फर्किएको छ । बुधबार ४०.४० अंकले सुधारिएको नेप्से सूचक साताको अन्तिम कारोबार दिन बिहीबार ४२.९५ अंकले उकालो लागेको हो ।

गत फागुन ९ गते २६४० अंकसम्म पुगेको नेप्से सूचक घटेर २३९० अंकसम्म झरेको थियो । पछिल्ला दुई दिन गरेर ८३ अंकले बढेको नेप्से सूचक २४७५.०९ विन्दुमा उक्लिएको छ । विहीबार नेप्से सूचक १.७७ प्रतिशतले बढेको हो।

शेयर बजारले सुधारको लय समातेपछि कारोबार रकममा समेत बढोत्तरी आएको छ । यसदिन चार कम्पनीको शेयर सकारात्मक सर्किट मूल्यमा कारोबार भयो । बिहीबार २१३ कम्पनीका १ करोड १६ लाख ५७ हजार कित्ता शेयर ४ अर्ब ६६ करोड १७ रुपैयाँ बराबरमा किनबेच भएको छ । अघिल्लो दिनको तुलनामा कारोबार रकम एक अर्ब २९ करोड बढी हो ।

Index	Current	Points Change	%Change
NEPSE	2,475.09	42.95	1.77
Sensitive	444.15	5.55	1.26
Float	170.07	2.69	1.61
Sen. Float	144.27	1.76	1.24

Sub-Indices	Current	Points Change	%Change
Banking	1,762.24	26.11	1.5
Trading	3,712.24	39.6	1.06
Hotels And Tourism	2,868.28	112.88	4.1
Development Bank	2,532.00	24.37	0.97
HydroPower	2,108.83	3.15	0.15
Finance	1,146.94	14.15	1.25
Non Life Insurance	12,229.66	191.08	1.59
Manu.& Pro.	5,528.10	162.13	3.02
Others	1,946.56	41.13	2.16
Microfinance	4,328.51	102.13	2.42
Life Insurance	16,740.02	415.47	2.55
Mutual Fund	12.89	0.06	0.46
Investment	96.72	1.95	2.06

कारोबारमा आएका ब्यापार बाहेक सबै समुहका सूचकमा हरियाली छाएको बजारमा होटल तथा टुरिजम्को इन्डेक्स सर्वाधिक ४.१ प्रतिशतले बढेको छ । उत्पादन समूहको ३ प्रतिशत बढीले सुधार हुँदा लगानी, लघुवित्त, अन्य, र जीवन बीमाको सूचकमा २ प्रतिशत धेरेको सुधार देखिएको छ ।

बिहीबारको बजारमा नेपाल बंगलादेश बैंकको सबैभन्दा धेरै ७६ करोड बराबरको शेयर किनबेच भयो । नबिल बैंकसँगको मर्जरहको हल्लाले बैंकको कारोबार बढेको हो । यसपछि उच्च कारोबार हुने निफ्राको २१ करोड बराबरको शेयर किनबेच भयो।

यसदिन चार कम्पनीको शेयरमूल्य करिब दश प्रतिशत बढेर सकारात्मक सर्किट लागेको छ । यसदिन ग्रीन लाइफ हाइड्रोपावर, युनाइटेड इदिमर्दी, चन्द्रागिरी हिल्स, र नेपाल बंगलादेश बैंकको दश प्रतिशतका हाराहारीमा शेयर मूल्य बढेको छ ।

बिहीबारको बजारमा घलेम्दी हाइड्रोपावरको शेयरमूल्यमा ६.८५ प्रतिशतले घटेको छ । आँखुखोला, दिव्यश्वरी, खानीखोला लगायतका हाइड्रोपावर कम्पनीको शेयरमूल्य धेरै घटेको छ ।

? समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ।