पाँच कम्पनीको सेयरमूल्य समायोजन, कतिमा खुल्छ कारोबार ?

पुस २१ गते बुधबार नेपाल स्टक एक्सचेञ्ज (नेप्से) मा एकैदिन पाँच कम्पनीको सेयरमूल्य समायोजन भएको छ ।

स्टकका अनुसार चार कम्पनीको बोनस सेयर र एक कम्पनीको हकप्रदपछि सेयरमूल्य समायोजन गरिएको हो । आज जनउत्थान सामुदायिक लघुवित्त, कालिका लघुवित्त, मल्टीपर्पस फाइनान्स, पोखरा फाइनान्सको बोनस तथा छ्याङ्दी हाइड्रोपावरको हकप्रदमा सेयरमूल्य समायेजन गरिएको हो ।

सूचीकृत कम्पनीहरुलाई पुस मसानत्भित्रै साधारण सभा सम्पन्न गर्ने हतारो बढ्दा एकैदिन पाँच कम्पनीको सेयरमूल्य समायोजन भएको हो । साधारण सभा, लाभांश वितरण र हकप्रद निष्काशन प्रयोजनार्थ बुकक्लोज गरेसँगै नेप्सेले पाँचवटै कम्पनीको सेयरमूल्य समायोजन गरी नयाँ मूल्य तोकेको हो । समायोजन निम्नअनुसार सेयरमूल्य निर्धारण गरिएको छ ।

जनउत्थान सामुदायिक लघुवित्तको २५ प्रतिशत बोनसपछि २३८३.२० रुपैयाँ

कालिका लघुवित्तको १३ प्रतिशत बोनसपछि ११६३.७२ रुपैयाँ

मल्टीपर्पस फाइनान्सको १३ प्रतिशत बोनसपछि ४१६.८१ रुपैयाँ

पोखरा फाइनान्सको ८.०७५ प्रतिशत बोनसपछि ४४०.४३ रुपैयाँ

र छ्याङ्दी हाइड्रोपावरको ३० प्रतिशत हकप्रदपछि ३९६.१५ रुपैयाँ

बुधबार पाँचवटै कम्पनीहरुको सेयर कारोबार समायोजित मूल्यलाई आधारमा मानेर खुल्नेछ ।

नेप्सेले अघिल्लो कारोबार दिनको अन्तिम मूल्यलाई आधार मानेर पाँचवटै कम्पनीहरुको सेयरमूल्य समायोजन गरेको हो । अघिल्लो कारोबार दिन मंगलबार धितोपत्रको दोस्रो बजारमा जनउत्थानको सेयर प्रतिकित्ता २९७९ रुपैयाँ, कालिकाको १३१५ रुपैयाँ, मल्टीपर्पसको ४७१ रुपैयाँ, पोखरा फाइनान्सको ४७६ रुपैयाँ र छ्याङ्दी हाइड्रोपावरको ४८५ रुपैयाँमा अन्तिम पटक कारोबार भएको थियो ।

यी चार कम्पनीको लाभांश सुरक्षित गर्ने आज अन्तिम मौका

छ्याङदी हाइड्रोपावरको हकप्रद सुरक्षित गर्ने आज अन्तिम दिन

? समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।