भेडे खुर्सानीको भाउ ३ दिनमा प्रतिकेजी ३५ रुपैयाँ बढ्यो

भेडे खुर्सानीको भाउ तीन दिनमा ३५ रुपैयाँले बढेको छ । गत माघ २८ गते प्रतिकेजी ७५ रुपैयाँ रहेको भेडे खुर्सानी आज फागुन २ गते ११० रुपैयाँमा कारोबार भइरहेको छ ।

कालीमाटी फलफूल तथा तरकारी बजार विकास समितिका अनुसार आज भेडे खूर्सानीको अधिकतम मूल्य न्यूनतम मूल्य प्रतिकेजी १०० रुपैयाँ तोकिएको छ भने अधिकतम मूल्य १२० रुपैयाँ तोकिएको छ ।

आज नेपाली ठूलो गोलभेँडाको न्यूनतम मूल्य ५० रुपैयाँ तोकिएको छ भने अधिकतम मूल्य ६० रुपैयाँ तोकिएको छ । यस्तै आज कालिमाटीमा भारतीय ठूलो गोलभेँडाको न्यूनतम मूल्य ८० रुपैयाँ तोकिएको छ भने अधिकतम मूल्य ९० रुपैयाँ तोकिएको छ ।

यस्तै, रातो आलु २८ देखि ३० रुपैयाँसम्म कारोबार भइरहेको छ भने भारतीय सुकेको प्याज ६० देखि ७० रुपैयाँसम्म कारोबार भइरहेको छ ।
काउली तराईको मूल्य प्रतिकेजी २० देखि २५ रुपैयाँ, रातो मूला १० देखि १५ रुपैयाँसम्म कारोबार भइरहेको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।