इरानी प्रहारले विश्वव्यापी ऊर्जा र सुरक्षा ढाँचा चुनौतीमा

इरानी मिसाइलहरूले इजरायलको मुख्य आणविक अनुसन्धान केन्द्र नजिक पर्ने डिमोना र अराद शहरमा प्रहार गरेका छन् । जसका कारण भवनहरू क्षतिग्रस्त भएका र दर्जनौं व्यक्ति घाइते भएका छन् ।

अमेरिकी राष्ट्रपति डोनाल्ड ट्रम्पले स्ट्रेट अफ हर्मुज नखोले अमेरिकाले इरानी पावर प्लान्टहरू ध्वस्त पार्ने चेतावनी दिएका छन् । यो स्ट्रेट विश्व तेल आपूर्तिको लागि अत्यन्त महत्वपूर्ण मार्ग मानिन्छ ।

इरानको नतन्ज आणविक साइटमाथि भएको कारबाही पछि इरानले चौतर्फी आक्रमण गरिरहेको छ ।

त्यसैगरी, इरानले डिएगो गार्सिया अमेरिकी–यूके मिलिट्री बेसमा पनि मिसाइल परीक्षण गरेको छ, जसले इरानी मिसाइल क्षमताको दायरालाई देखाउँछ ।

मध्यपूर्वमा जारी द्वन्द्वले विश्वव्यापी ऊर्जा आपूर्ति र तेल मूल्यहरूमा प्रभाव पारिरहेको छ । सुरक्षा विशेषज्ञहरूले यस घटनालाई वैश्विक आणविक स्थिरताका लागि ठूलो चुनौतीका रूपमा मूल्याङ्कन गरेका छन् ।