३ सय ३७ जनाको निःशुल्क मोतियाविन्दुको शल्यक्रिया

काठमाडौँ । माट्रिका आँखा केन्द्रले विभिन्न ठाउँमा सञ्चालन गरेको आँखा शिविरमा ३ सय ३७ जनाको निःशुल्क मोतियाविन्दुको शल्यक्रिया भएको छ ।

३ चरणमा गरिएको शिविरबाट करिव ५ हजारभन्दा धेरै आँखाका विरामीहरु लाभान्वित भएका हुन् । शिविरको क्रममा आँखा जाँच गर्ने देखि निःशुल्क औषधी वितरण लगायका काम हुँदै आइरहेको छ । केन्द्रले काठमाडौं उपत्यकाबाहिर पनि माग भएको खण्डमा निशुल्क आँखा शिविर र औषधी पनि निशुल्क उपलब्ध गराउँदै आइरहेको जनाएको छ ।

पहिलो चरणमा काभ्रेपाल्चोकको नवबुद्धमा सञ्चालन भएको शिविरमा ५० जना,सुनाकोठीमा सञ्चालन गरिएको शिविरमा २७ जना विरामी लाभान्वित भएका छन् । त्यस्तै गरी साँखु वडा नम्बर ३ मा सञ्चालित शिविरमा ४१ जना र गोदाबारीम सञ्चालित शिविरमा ६६ जना लाभान्वित भएका छन् ।

गत वैशाख २६ र २७ गते सञ्चालित पहिलो चरणको शिविरमा १ सय ५४ जनाको मोतियाविन्दुको शल्यक्रिया भएको छ । त्यस्तै दोस्रो चरणमा जेठ २२ गते सञ्चालित शिविरबाट १ सय ८ जनाको मोतियाविन्दुको शल्यक्रिया भएको छ । जसमा काठमाडौ महानगर १८ नरदेविमा भएको शिविरमा ५१ जना, च्यासल पाटनमा भएको शिविरमा २९ जना,भक्तपुरमा भएकोमा १५ जना र मैतिदेविमा भएको शिविरमा १२ जना गरी १ सय ८ जनाको मोतियाविन्दुको शल्यक्रिया भएको छ ।

त्यसैगरी तेस्रो चरणमा जेठ ३० गते सञ्चालन गरिएको शिविरबाट भने ७५ जना विरामी लाभान्वित भएका छन् । जसमा ललितपुर वडा नम्बर ८ मा २५ जना र छप्पी ललितपुरमा ४० गरेर कुल ७५ जना लाभान्वित भएका छन् ।