कुवेत पठाइदिने भन्दै ठगी गर्ने एकजना पक्राउ

काठमाडौँ । काठमाडौँ उपत्यका अपराध अनुसन्धान कार्यालय टेकुले वैदेशिक रोजगारीमा कुवेत पठाइदिन्छु भन्दै ठगी गर्ने एकजनालाई व्यक्तिलाई पक्राउ गरेको छ ।

पक्राउ पर्नेमा धनुषा जिल्ला धनुषाधाम नगरपालिका घर भई काठमाडौँ महानगरपालिका ९ सिनामंगल बस्ने ४१ वर्षका राज कुमार महरा रहेको कार्यालयले जनाएको छ । कार्यालयलका वैदेशिक रोजगार न्यायधिकरण काठमाडौँबाट पक्राउ अनुमति प्राप्त भइ फरार रहेका महरालाई काठमाडौँ ९ बाट प्रक्राउ गरिएको हो ।

उनले वैदेशिक रोजगारीमा कुवेत पठाइदिन्छु भन्दै ६ लाख १४ हजार रुपैयाँ ठगी गरेको कार्यालयले जनाएको छ ।