काठमाडौँ । सेयर बजार परिसुचकमा दोहारो अंकको सुधार आएको छ । बिहीबार नेप्से ११.७७ अंकले बढेर २६२९.८१ विन्दुमा पुगेको हो ।
आज कारोबारमा आएका ३५६ कम्पनीका १ करोड ७२ लाख ७० हजार ४४९ कित्ता सेयरहरू ५१ हजार ७१६ पटक किनबेच हुँदा ५ अर्ब ४४ करोड ७३ लाख १३ हजार रुपैयाँ बराबरको कारोबार भएको छ ।
बुधबार नेप्से ३६.२५ अंकले घटेर २६१८.०३ विन्दुमा पुग्दा कारोबार रकम ६ अर्ब १६ करोड ५५ लाख पुगेको थियो ।
बिहीबार निर्जीवन बीमा समूह ३२.१९ अंकले घट्दा अरु सबै उपसुचकमा सुधार आएको छ ।
नेपाल लुभ ओइलको सेयर मूल्य १२.४७ प्रतिशतले बढेको बजारमा सोनापुर मिनिरल्सको सेयर मूल्य ७.६५ प्रतिशत, कुमारी सबल योजनाको सेयर मूल्य ७.५६ प्रतिशत, घोराही सिमेन्टको सेयर मूल्य ७.०७ प्रतिशत र सिवाईसी नेपाल लघुवित्तको सेयर मूल्य ६.४७ प्रतिशतले बढेको छ ।
यता, मिडसोलु हाइड्रोपावरको सेयर मूल्य ११.५८ प्रतिशतले घट्दा धौलागिरी लघुवित्तको सेयर मूल्य १०.१९ प्रतिशतले घटेको छ ।
कारोबार रकमको आधारमा शिभम् सिमेन्ट ३५ करोड ८१ लाख ९ हजार रुपैयाँ बराबरको कारोबार सहित शीर्षस्थानमा रहेको बजारमा कारोबार संख्याको आधारमा सोनापुर मिनिरल्स १ हजार ८०४ पटकको कारोबार सहित अग्रस्थानमा रहेको छ ।
About Us